لراوبر ویب پاڼه لراوبر يو افغان – تازه خبرونه
د ملګرو ملتونو د امنيت شورا له تور ليست څخه د ١٤ طالب مشرانو نومونه ايستلي دي.
ملګرو ملتونو اعلان کړى چي دغه کسان د افغان حکومت په غوښتنه له تور ليست څخه ايستل سوي دي.
د تورليست څخه د ايستل سويو ١٤ کسانو نومونه نه دي په ډاګه سوي خو د ارسلا رحماني، حبيب الله پوځي او سيدعبدالرحمان حقاني په نوم درې کسان پکښي شامل دي.
له تور ليست څخه د طالب مشرانو د نومونو ايستل د طالبانو له شرايطو څخه يو دئ، خو ارسلارحماني او حبيب الله پوځي سره له دې چي پخواني طالب چارواکي دي، اوس په کابل کي اوسېږي او شايد له دولت سره په جنګېدونکو طالبانو باندي کوم تاثير ونکړي.