لراوبر ویب پاڼه لراوبر يو افغان – تازه خبرونه
د يادوني وړ ده چي د ناټو او ايساف د افغانستان مرکزي دفتر تر دې پخوا يوازي په انګريزي او پارسي ژبه خبرپاڼي خپرولې ، د لراوبر ادارې له خوا ددې دفتر له مشر څخه په ليکلې توګه په پښتو ژبه د خبرپاڼو خپرولو مسئله وڅېړله او د هغوی پام يې په دې اړه کار کولو او ارزښت ته راواړاوه . که څه د ايساف د مطبوعاتٍي ادارې د پښتو ژباړني برخه تر نورو برخو په ځنډ خپريږي خو بيا هم لراوبر له يادي سوي ادارې مننه کوي چي د افغانستان په لومړۍ ملي اورسمي ژبه يې د خبرپاڼو خپرول پيل کړل .
د آيساف او ملي اردو ځواکونو په ګډه د هلمند په ولايت کې د کوکنارو يوه لويه کارخانه له مينځه يوړله
کابل، افغانستان- ( ٢٦ فبرورى) – د فرورې مياشتې پر ٢١ مه نيټه د آيساف سرتيرو او دملي اردو ځواکونوپه ګډه د يوې امنيتى ګزمې پر محال دهلمند ولايت په سنګين ولسوالۍ کې کابو يو نيم ټنه مخدره توکي او يو لړ د مخدره توکو د جوړولو ماشين الات يې ترلاسه او له مينځه يوروړل.
د آيساف او ملي اردو سرتيرو د غرڅي ډګر د عملياتو د يوې برخې په توګه څو ګزمې چې موخه يي د سنګين ولسوالۍ د پورتنې برخې د عامو خلکو د پلان شوو حملو ژغورنه بلل شوې ده، په نوموړې ولسوالۍ کې ترسره کړي دي.
ويل کيږي چې د عملياتو په ترڅ کې سرتيرو يوه زياته اندازه مخدره توکي چې بيه يې کابو ٤٠٠ ميلونو ډالرو ته رسيږي سره له ګند شميرهغو توکو چې د مخدره موادو په جوړولو کې ځيني ګټه اخيستل کيږي په يوه کلا کې تر لاسه کړي دي.
وروسته له دې چي موضوع د لوړو چارواکو سره همږغى کړاى شوه، داسى پريکړه وشوه چې يادشوي مخدره توکي دې په سيمه کې له مينځه يوړل شي اودغه راز هغه د مخدره توکو وسايل چي په يادشوي کلا کې موندل شوي دي، په کلا کې د شتو وسلو په مرسته له مينځه يوړل شي.
د پيښه په اړوند په هلمند ولايت کې د آيساف وياند ډګرمن سيمون ميلر داسې څرګندونې وکړې: ” آيساف ته دا خبره په ډاګــه شوې ده چې د ياغيتوب او د مخدره توکو د صنعت ترمينځ نيږدې اړيکې سته او دهغه ډول جرمي کړنې پرته له دې چې تاوتريخوالي ته لمن لا نور هم اوږده کړي چې د آيساف ځواکونه او د افغانستان اسلامي جمهوري دولت د زړه له کومې په دې هڅه کې دي ترڅو د افغانستان د خلکو لپاره د دغو کړنو مخنيوى وکړي.”
که څه هم، د مخدره توکو پر ضد هڅې مبارزه او د قانون د پلي کولو چارې د افغان چارواکو پورې اړوندې مسئلې ګــــڼل کيږي، خو بيا هم آيساف په ځينومشخصو وختونو کې په دهغه څانګه کي محدوده مرسته کوي. که چيرې د آيساف ځواکونه د خپلو عملياتو پر محال مخدره توکي او يا هم هغه وسايل چې د مخدره توکو په جوړولو کې مرسته کوي وويني، نو نوموړي ځواکونه به د دغو توکو په له مينځه وړلو کې مرسته وکړي لکه څرنګه چي يي د فبرورى د ٢١ نيټې پر محال د مخدره توکو په له مينځه وړلوکې يې وکړه.