لراوبر ویب پاڼه لراوبر يو افغان – تازه خبرونه
دالحاج محمدمعصوم هوتک اودافغان رسالې دچلوونکي الحاج احمدشاه هوتکي کورنۍ دمحمدمعصوم هوتک دموربي بي حاجي حلیمې صالحي دمړیني له امله ،چي جنازه په کندهارکی خاوروته سپارله سوې ده،دوستانوته خبرورکوي چي دنارینه وواوښځوفاتحه د یکشنبې په ورځ دډسمبرپر ۲۶مه دغرمې له یوې بجې څخه دمازیگرتر دروبجوپوري په ټورنټوکي دافغانانوداتحادیې په مسجداوفرهنگي سالون کي اخیستله کېږي .
مرحومه ومغفوره بي بي حاجي حلیمه صالحي دمرحوم مولوي صالح محمد هوتک کندهاري مشره لوروه.
آدرس
Afghan Association of Ontario
29 Pemican Court, Unit 6
Toronto Ontario M9M 2Z3
Canada
خانواده های الحاج محمدمعصوم هوتک والحاج احمدشاه هوتکی مدیرمسئول جریده افغان رساله نسبت وفات بی بی حاجی حلیمه صالحی دخترمرحوم مولوی صالح محمدهوتک کندهاری والده الحاج محمدمعصوم هوتک که جنازه شان قبلا درکندهاربخاک سپرده شده است،باطلاع دوستان میرسانند که فاتحه مردانه وزنانه آن مرحومه روزیکشنبه ۲۶ دسمبر۲۰۱۰ع ازساعت یک بعدازظهرالی سه بجه عصردرمسجدوسالون فرهنگی اتحادیه افغانهای مقیم انتاریوگرفته میشود.
د درانه ليکوال او نوميالي څېړونکي محمد معصوم هوتک مور په حق ورسېده
و ټولو دوستانو او ملګرو ته په ډېري خواشينۍ سره خبر ورکول کيږي چي د درانه لیکوال او نامتو څېړونکي استاد محمد معصوم هوتک فاضله مور او د هيواد د جيد عالم او لیکوال ارواښاد مولوي صالح محمد هوتک مشره لور په کندهار کي په حق ورسېده .اناالله و انا اليه راجعون
مرحومه یوه ډېره دينداره ، هوښياره ، باتدبيره او ددرانه شخصيت څښتنه وه . ارواښاده له تيرو څو کلونو څخه په سويډن کي اوسېدله خو خپلي خوشبختۍ يې دژوند اخيره هفته و کندهار ته ورسول .
د ارواښادي جنازه په خپله پلرنۍهديره کي خاوروته وسپارل سوه . فاتحه يې د ملا ګل داد کوڅې په جامع جوماعت کي په دو شنبې ۲۰ ډسمبر او سې شنبې ۲۱ ډسمبر اخيستل کيږي او په کاناډا کي به انشاالله په راتلونکې هفته کي واخيستل سي .
روح دي يې ښاد او پر قبر دې انوار اوري .
د لراوبر ويبپاڼي اداره ، د بېنوا فرهنګي ټولنه او په هالنډ کي افغاني کلتوري ټولني مشرتابه او کارکوونکي د افغانستان نوميالي ليکوال او د پښتو ژبي څېړونکي استاد محمد معصوم هوتک او ددوی د کورنۍ ټولو غړو او اړوندانو ته د فاضلي مور ( ادا ) د مړيني له امله د زړه له کومي د تسليت مراتب وړاندي کوي او له لويه خدايه د جميل صبر دعا ورته کوي .
ارواښادي بي بي په خپله پښتني غېږه کي داسي بچي لوی او ټولني ته ډالۍ کړل چي هم يې په ژوند سر په لوړ ؤ هم به يې تر دې وروسته نوم په ډېر وياړ سره ياديږي ، نوموړي په سويډن کي د کډوالۍ پر مهال هم له خپله کوره افغان ماشومانو ته د ليک لوست او اسلامي تدريس لپاره کاراوه او زيات شمېر شاګردانو ته يې د قرآن عظيم الشان تر څنګ د مورنۍ ژبي درس ورکړ . د مرحومي ادا پاک روح ته د مغفرت لاسونه پورته کوو او له درانه استاد ښاغلي محمد معصوم هوتک او ددی د ټولي کورنۍ سره په دې غم کي ځانونه شريک ګڼو .
انالله و انا الیه راجعون
سويډن دمالمو ښار د۲۰۱۰ م کال د ډسمبر ۱۹
دخواشينۍ اوډاډگېرنې دڅرگندولو پيغام
گراني موري کاشکي ماستاسوپر ځاي ساه ورکړې واي
دلعنتي ورځو لعنتي بڼه دهغو له پايلو پيداوي ،لکه چي گفت سوی و،نن ټوله ورځ داسي سرگردانه وم چي همدا څو شېبې دمخه کورته راغلم،کله چي مي ساعت ته وکتل نوله اتوبجونه ۱۵ تيرې وې سم دواره مي تلوزيون روښانه کړ ،خو وياندي اعلان وکړ چي بهرني خبرونه تر يوې دمې وروسته .لکه چي پر ارواح مي اورېدل سمدواره مي ملي تلوزيون روښان کړ ،خو ملي تلوزيون وياند دښاغلی کرزی صاحب هغه دډادگېرنې پيغام لوستلوپه حال کي وو،چي ماته ئي زمادموردمرگ خبر راکاوه .ځکه ئي پداسي يوه دردونکی خبرونازولم چي په عمرئي ما ارزونه درلوده .داخبر نه يوازي دمعصوم هوتک،ورڼو، خويندواونورودوستانواو ټولي کورنۍ لپاره دغم او ناورين خبروو بلکي زمالپاره هم ددوي په کچه دردونکۍ دۍ .هر څه رانه ورک سول عفه غواړم دې ته موږ له نازه ((ادا)) ويل دا د اخلاقو ،دادپوهی ،دادوطنپرستۍ داداسلامي عبادت اوعقيدې يو سمبول وه ،نه پوهېږم چي ارواښاد مولوي صالح محمد هوتک څنگه يوه لور روزلې وه کاشکي داټولې دده لوڼې واي .
ددې دمرگ خبر په سويډن کي نه يوازي زمااوزمادنږدې دوستانولپاره بلکي دټولوهغولپاره چې ددې درنې مور په هکله ئي معلومات درلود اوهغه ئي له نږدې ليدلې اوددې خبري ئي اورېدلي وې يودردونکی او زورونکی خبردی .انا الله انا اليه راجعون لوي څښتن دي ددې درنې اوباعزته مور دپاک اواسلامي عبادت په روي موږ ته عفه وکړي .زه اوس داتوان نلرم چي ددي درنې مور دمقام اوارزښت په هکله نورڅه وليکم . ماته دنارينه له سترژگو اوښکي عجيبه برېښېدلې خو همدا لحظه به اعتراف وکړم چي ترسترگومي اوښکي جاري دي ،ځکه هغه ماته هم زوي ويلې وه اوپه رښتيالکه نور زا،من ئې ورباندي گران وم اوتردې لازياته چي هغې تل زه خپل ولس اوهيوادته دخدمت په خاطر هڅولم . دومره وايم که دنړ پر مخ مورزېږی نو((ادا)) غوندي موردي وزېږی .
په سويډن کي ددوستۍ فرهنگی ټولنې مشرتابه جرگه اودروزگان ملي مهالنۍ خپرونې اداره پداسي حال کښي چي ځانونه دگراني اوغيرتي موردکورنۍ دټولوغړوسره پدې درانه اودردونکی غم کي شريک بولي، د لوی څښتن له دربار نه دې گراني اوپر ديني عبادت مينې موراودعبادتونوسمبول ته دفردوس جنت اوپاتي کسانوته دلوي صبر غوښتنه کوي . روح دې ښاد اويادې ابدي وي .الحکم الله
دټولنې دمشرتابه جرگې اوروزگان ملي مهالنۍ خپرونې دادارې په استازيتوب حبيب الله غمخور
په ډېري خواشنۍ سره مو خبر تر لاسه کړ چي دهیواد د نامتو علمي څیړونکي ،لیکوال ، شاعر درانه استاد محمد معصوم هوتک درنه مور بي بي چي دهیواد دوتلي څيره او ديني عالم ، پښتو لیکوال او شاعر ارواښاد مولوي صالح محمد هوتک مشره لور وه پور پريکړ او حق ته يې ځان وسپاره٠
انا لله وانا الیه الراجعون
زه او زما کورۍ خپل ځانونه دگراني اوغيرتي مور بي بي دکورنۍ دټولوغړوسره پدې درانه اودردونکی غم کي شريک بولو، او د وير پر تغر ورسره ناست يوو٠ او د لوی څښتن تعالي له دربار څخه دې گراني اوپر ديني عبادت مينې موراودعبادتونوسمبول ته دفردوس جنت اوپاتي کسانوته دلوي صبر غوښتنه کوو . روح دې ښاد٠
احمدشاه ملګری (پاچا خان)
زه حمید الکوزی د افغانستان د علمی څیړونو د مرکز د ټولو غړو په استازیتوب محترم استاد معصوم هوتک ته او د هغه درنی کورنی ته د ارواښادی بی بی مور په هکله د الله تعالی ځخه صبر جمیل غواړم. الله تعالی د آرواښادی بی بی مورته جنت الفردوس پر نصیب کړي. اروښاده بی بی مور دمره بختوره بی بی مور وه چي په خپل ژوند ای د ټولو خپلو خپلوانو سره دیدن وشو، او بیا د خدای بښلی خپل پلار او مور په ادیره کښي خاورو ته وسپارل شوه.
انا لله و انا الیه راجعون
ستاسي ښاغلي محمد معصوم«هوتک» دمور دمړيني خبر مي تر سترګو سو،خداي سته سخت خفه سوم. نوردوستان به هم خفه سوي وي،خوهغه به ډیرخفه وي ،چي کوم وخت يې ددي بي بي دلاس پخه ډوډۍ هغه هم په کندهارکي ستاسي پر کور خوړلي وي. خداي (ج) دي يې وبخښي .تاسي ،نورو اولادو او دوستانو ته يې دصبر غوښتونکي یم له نوروغمونوموخداي پاک راته وساته. قیوم
ددرانه استاد محمد معصوم هوتک سره خواخوږي
پوهان وايي:کله چي تاسی له يو چا سره په خوښی کی ګډون وه کړۍ نو خوښي دوه ځله کېږي (تاسوهم خوښېږی او ستاسو دوست هم) همد غه رنګه که له دوست سره په غم کی شريک سی غم مو نيمی کړی (له دوست څخه مو نيم غم پورته کړی) پدې خبره به هغه وخت پوهېږو چې راسره دوستان ولاړ وي.
خو کډوالي به مې ډېر ډېر وه ژړوي,ځکه چې دوستان به مو لږوي. که مووطن له ښامارانو خلاص واي ولي به می دومره ستر خلګ يوازي دڅوتورو په ډاډګېرنه خوشحاله کول .وسلام
ويښ ځوانان :کوټه
حجاڼۍ دي خدای وبخښي او الله دي ورته په قبر کي د جنت دروازې خلاصي کړي. الله دي دغې گرانې مور ته په جنت فردوس کي ځای ورکړي او الله دي يې په خپل ديدار ونازوي چي و مسکين پښتون ولس ته يې د معصوم هوتک شاندي داسي روښانه ستوری وروزی . روح دي يې ښاده وي.انا للله وانا الیه الراجعون
دا چي تر مور خوږ شی په جهان کي نسته نو و هوتک صاحب او د هغه و کورنۍ ته د دغه دروند غم د زغملو حوصله او د زړه صبر غواړم. الله دي پاته کورنۍ د نورو غمونو څخه په امان کړي. احمدولي اڅکزی
پوهاند دوکتور م.ا. زيار
اکسفورډ، دېسېمبر٢٠١٠
د درو ميندو پر مړينه
په د رو اوونيو کې پرله پسې زموږ د درو قلموالو د ميندو مړينې بويه د ګردو پښتو ليکوالو، رسنوالو او بيا شاعرانو له ويرنو سره بدرګه شوی وای، خو له بده مرغه تر ما پورې هريو خپل ژوند و ژواک او اند و واند دومره دومره پر مخ اخېستي چې د ويرنو دکښلو وخت و زغم نور ورپاتې نه دي!
ما د دې لپاره چې په دې لړ کې مې د درو واړو ويرژلو فرهنګي دوستانو پر وړاندې خپله پازه او پړه يو څه سکينده کړې اوسي، خپلې ژورې خوا شينۍ او خواخوږۍ ورسره داسې شريکوم:
ـ په ډنمارک کې د ګران شاعر محمد صديق ننګ د ارواښادې شاعرې مور په ياد چې د اليشنګ سيند د دواړ غاړو په ياد ښادو او مخورو ساپي کورنيو يې اړوندي درلوده او دکشر زوی شهيد((محمد رفيق ځيګر)) يو ناببره وير پر ويرنو راوستې او شاعره کړې وه.
ـ په کندهار کې د ګران عبدالاحمد محمديار د ارواښادې مور بي بي د وير له لامله چې د دی يې له ټولې پژنۍ کمتوانۍ سره سره د يوه زړه سواند او پر هرچا ګران فرهنګيال په توګه رالوی کړی او روزلی وو.
او بيا د ټولمنلي ليکوال او څېړنوال محمد معصوم هوتک د ارواښادې نو ميالې او دوديالې مور بي بي پر وير ، چې د نوميالي فرهنګي پېر لومړي پښتو ښوونکي، تکړه شاعر او د لوست کتابونو، په تېره د پښتو پښويې ليکوال مولوي صالح محمد هوتک مشره لور وه.
ويرژلو قلموالو او اړوندانوته د ستر زغم و پېڅ هيله کوم او ارواښادو بيبيانوته جنتونه غواړم!
ستاسې د ټولو خواخوږی
پوهاند زيار
په بلجیم کښي د افغان کلتوري بهیر د غمرازۍ لیک
په ډیره خواشینۍ سره مو خبر تر لاسه کړ چي د ګران استاد ، لیکوال ، څیړونکي ، شاعر معصوم هوتک ، اغلي مور له دی نړۍ څخه ابدي نړۍ ته خپل ژوند ابدي کړ .
بلجیم افغان کلتوري بهیر په دی غم او ویر کښي د ګران استاد او د هغوی له کورنۍ سره ځان شیریک ګڼي . د لوی خدای ج څخه ګراني مور ته د فردوس جنت او د ګران استاد معصوم هوتک ټولي کورنۍ ته د زړه صبر غواړي . د ژوند ټولي ښیګڼي دي ستاسي پر کورنۍ وي .
بلجیم افغان کلتوري بهیر
مشرتابه جرګه
بروکسل
ارواښاده( ادا) زموږ د ټولو مور وه
(ارواښاد عبدالهادي رېشاء په خپله یوه رساله کي چي ( زما خپلوانو!)په نامه ده،د خدائ بخښلي اداپه اړه داسي لیکلي دي: ادا دمرحوم بابامولوي صاحب مشره لور(۱) ده.شاعرانه قریحه لري،څه لوست و مطالعه یې هم کړې ده،ګاهي وختي شعر هم وایي . د پښتو او قرآن شریف شاګردان هم روزي . ادا چي په مجلس کي ناسته وي نقل مجلس ده،مجلسېان هم خندولی هم ژړولی سي. د نامه با عزمه او کلکه ښځه ده . ادا ته خالق یو بل خداداد خاصیت هم عطا کړی دئ، چي د هر قسم مصایبو او حوادثو په مقابل کي تر آخري درجې مقاومت کولای سي .که څه هم اوس ۸۴ کلو ده خودالاځواني ږغوي ،نو خدای دي د ځواني مرګۍ وساتي..د اسدمېاشت ۱۳۸۷ ش کال .)
(۱) ارواښاده د مرحوم مولوي صالح محمدهوتک کندهاري مشره لور،او د مرحوم رېشاء خښینه او ورېنداره وه.
زما زړه دارواښادي ادا په مرګ ډېر ناآرامه سو، خوا بدئ وم ،و مات زړه ته مي ویل چي یو پلا مو خو ښه خلګ ټول وپاشل سول،په لیري واټنو کي مېشته پاته سول،اوس بیا یو یو په آبدي مسافري را څه ورکیږي . دیوه غم سایه مو د سره نه وي لیري بل غم وزیږي.
نو دزړه دارامۍ لپاره پاک الله ج ته دواړي لپي پورته کوم،چي ربه ته خو مو نور مه یتیمان کوې زموږ له سره را پاته ښه خلګ ژر مه را څه اخله.
د زړه درد لا سته نو مي د مرحومي ادا په ویر کي دایو څو بیتونه وکښل:
دټولو ارواښاده مور!
کورنۍ کي مو ، را پېښه حاد ثه سوه
را نه ورکه زموږ د دو عاوو خزانه سوه
سو خاموشه بل څراغ، غیبه و ړانګه سوه
د (ادا) په مرګ تیاره پر موږ خپره سوه
دا با عزمه ، غیرتي ا و بي بي مور وه
په عزت کي درنه ، نادره خور وه
خالق دې ته داد ورکړی ، وه بر د باره
مستعده ، کلکه ښځه او ښه ترور وه
ښکاره کړی یې په ټول عمر الفت وو
ډېر په مینه یې بیان هم یې صحبت وو
دې روزلي استادان او آدیبان دي
په تدریس کي یې روښانه صداقت وو
آرمانو سره راغلې وه خپل کور ته
رنځور حال یې ور شوه کړله و ګور ته
دا پردېسه وه خو زړه یې وو د مور زړه
تل یې فکر کړئ د خپلو بچو لور ته
لویه خدایه ! ستا څه غواړم دا دوعا
عاجزي کړم ، عفو غواړم یې دانا
د فردوس جنت مقام و دې ته ورکړې
تا خپل ځان ته چي بللې زموږ ادا
رحیم رېشاء
په يو بل وير کې
ماته تل د زړه له کومې ګران او محترم معصوم هوتک ته !
دهغه ټولې کورنۍ او تولو خواخوږو ته!
ستاسو د ګرانې او محترمې مور د حق ته رسیدو له امله نه يوازې خپلې بې سارې خواخوږۍ او خواشينۍ څرکندوم ، له تاسو سره په دې نه بيانيدونکي وير کې ځان شریک بولم ، بلکې دغه تر ټولو انساني درد او وير د ځان،دخپلې کورنۍ او يارانو وير او درد ګڼم .
د ستر خدای له درباره هغې ته تر ټولو غوره جنت،د رحمت بارانونه او تاسو ته د زغم او صبر هیله کوم.
د زغم او خواخوږۍ له بارانونو سره
لطیف بهاند – مسکو
په ډېره خواشینۍ سره خبر شوم چې: د لیکوال محمد معصوم هوتک درنه مور په حق رسېدلې ده. مور د هر انسان لپاره ېو سپېڅلی نوم او د ډاډ او ځواک ېو الهام دی. مور د هر انسان د زړه زخمونو ملهم دی. مور د ژوند دسختو او ټاکونکو شېبومهربانه سلاکاره ده. او مور ېو ستر الهي نعمت دی. له دې امله هوتک صاحب ته د زړه له کومي تسلیت او ډاډګېرنه وړاندې کوم چې له داسې سترې غمجنې پېښې سره مخ شویدی. او په دې توګه يې ټولې درنې کورنۍ، خپلوانو او دوستانو ته جمیل صبر غواړم. د خدای بښلې اروا دې ښاده وي.
لوی څښتن دې په ټولو رحم وکړي
د افغانانو دکلتوري پرمختیا ټولنې مشر
ملوک ازاد
د نومیالی لیکوال اود پښتو ژبی لوی خدمتګار استاد محمد معصوم هو تک د ګرانی مور د مړني له امله خپل دزړه له کومی دتسلیت او خواخوږی مراتب وړاندی کول غواړم او دلوی خدای(ج) څخه د هوتک صاحب درنی کورني ته د صبر جمیل دعا لاسونه پو ر ته کوم.
مرګ حق دی او مونږ ټوله نن او سبا پر دغه لار روان یوو. ولی خو شبخته به هغه خلک وی چه ددی دنیا څخه د نیک نا می نوم له ځان سره یووسی.
په اخیرکی يو ځل بیا د ګران هوتک او دده د ټولی کورنۍ سره په دی غم کی ځان شریک ګڼم. او ا لله پاک دی دوي دنورو غمونو څخه وساتی .
ولی محمد نورزی هالند