لراوبر ویب پاڼه لراوبر يو افغان – تازه خبرونه
۲۰۰۸-فبروري-۲۵
د هلمند ولايت په كجكي ولسوالۍ كي له څلورو ورځو را په دې خوا د وسله والو طالبانو او ائتلافي ځواكونو تر منځ سختي نښتي رواني دي .
نړيوال ځواكونه وايې چي د كجكي ولسوالۍ ټولي سيمي يې كلابندي كړي او ګڼ شمير وسله وال طالبان يې وژلي دي .
نړيوال ځواكونه وايې چي په دغو عملياتو كي ددوئ د سرتيرو پر ويوه موټر هم ماين چاودلى چي يو سرتيري يې ورټپي كړى دى .
وسله وال طالبان په سيمه كي د جګړې د پخلي تر څنګ د خپلو ملګرو وژل كېدل نه مني .
ددوشنبې ورځ څلورمه ده چي د هلمند ولايت په كجكي ولسوالۍ كي د ائتلافي ځواكونو او وسله والو طالبانو تر منځ خورا درنې نښې رواني دي .
نړيوال ځواكونه وايې چي دغه عمليات يې په كجكي ولسوالۍ كي د طالبانو د له منځه وړلو او د كجكي د برېښنا د بند د جوړولو چي نژدې دوه ميلونه وګړي به ګټه ځيني واخلي او د كار زمينه به ورته برابره سي په موخه پيل كړي دي .
په هلمند كي د نړيوالو ځواكونو وياند سايمن ميلر وايې چي د كجكي ولسوالۍ ټولي سيمي يې كلابندي كړي او ګن شمير وسله وال طالبان يې وژلي دي .
ميلر مني چي په روانو عملياتو كي ددوئ پر يوه موټر د ماين چاودنه هم سوې چي يو سرتيرى يې پكي ټپي سوى دى .
سيمه ايز خلك هم وايې چي نړيوالو ځواكونو د كجكي ټولي سيمي كلابندي كړي دي او دواړه لوري يو پر بل درنې او سپكي وسلې كاروي ، چي ددوئ ژوند يې له ويري سره مخامخ كړى دى .
وسله وال طالبان په كجكي ولسوالۍ كي ددوئ او نړيوالو ځواكونو تر منځ د جګړې د پخلي تر څنګ د خپلو ملګرو وژل كېدل نه مني .
د يوه بل خبر له مخي د هلمند د پوليسو مشر مل پاسوال محمد حسين انډيوال په موسى كلا ولسوالۍ كي د طالبانو سره د نښتې پر مهال د دريو مخاليفينو د وژل كېدو خبر وركړى دى .
خو وسله والو طالبانو د حكومت دغه ادعا نه ده منلې .