لراوبر ویب پاڼه لراوبر يو افغان – تازه خبرونه
د يمن چارواکي وايي د امريکا متحده ايالاتو ته د الوتکي له لاري د چاودونکو توکو د لېږد په تور يې يوه ښځه نيولې ده.
چارواکي وايي دغه مېرمن د هغو موادو د لېږد په تور نيول سوې ده، چي ټاکل سوې وه په دوو پېټيو کي امريکا ته ولېږدول سي او هلته په چاودنو کي کار ځني واخيستل سي.
د دغو چاودونکو توکو خبر دوې ورځي دمخه د امريکا ولسمشر باراک اوباما رسنيو ته ورکړ او ويې ويل چي امنيتي ادارو يې د ملګرو هيوادونو په مرسته د يوې غټي تروريستي پېښي مخنيوى کړى دئ.
دغه پېټۍ په بيروت او دوبۍ کي د پوليسو له خوا کشف سوي وې.
تر دې پېښي وروسته په اروپا او امريکا کي په هوايي ډګرونو کي تلاښۍ او امنيتي تدابير ډېر سول.