ګرانه وطنه

سر نه  دې تر پایه  زه  زخمي زخمي بدن ګورم
زما ګرانه وطنه ټول سوری سوری دې تن ګورم
چا  در سره کړې  ده  وفا  لږ  راته   ووایه
چاچې ته جوړکړی یې هغه خو راته وښایه ؟
هرخوا نه لیوان چې دې نیولی دی لمن ګورم
زما ګرانه وطنه ټول سوری سوری دې تن ګورم
هر سړی پخپل ګټه وران او دړې وړې کړې
ځکه خوغمونوسره ته اوس غاړه غړې کړې
دې کفن کشانونه  شکیدلی هرکفن ګورم
زما ګرانه وطنه ټول سوری سوری دې تن ګورم
هرخوانه چې مړشي خو مړ کیږي دغریب بچي
خوري خپل ککری دواړه خوا د بد نصیب بچي
دهر لیډراوخان ځوې زه محفوظ او په امن ګورم
زما ګرانه وطنه ټول سوری سوری دې تن ګورم
چغې او نارې خوهروخت وځي د بې وس سړي
تندرهم پریوزي دلته هروحت په بې کس سړي
خواراو زارهروخت زه دمظلوم خلکو زامن ګورم
زما ګرانه وطنه ټول سوری سوری دې تن ګورم
جنګ دې ورک شي جنګ کې وژل کیږي بې ګناه خلک
جنګ کې خوتاوان وي سراسر د بې نوا خلک
زه طاهري وران دجنګ له اوره هر چمن  ګورم
زما ګرانه وطنه ټول سوری سوری دې تن ګورم
                                شکرالله طاهري