لراوبر ویب پاڼه لراوبر يو افغان – تازه خبرونه
د فټبال د نړۍ وال کپ په دوهمه ورځ جنوبي کوريا له يونان سره، ارجنټاين له نايجريا سره او انګلستان له امريکا سره لوبي وکړې.
د جنوبي کوريا لوبډلي دوه د صفر په مقابل کي يونان ته ماته ورکړه، ارجنټاين له نايجريا څخه يو د صفر په وړاندي وګټله او انګلستان له امريکا سره يو پر يو مساوي کړه.
د ورلډ کپ لوبو په لومړۍ ورځ د جنوبي افريقا او مکسيکو، يوراګواى او فرانسې لوبي سره مساوي سوي وې، چي جنوبي کوريا لومړنۍ لوبډله وه چي د ٢٠١٠ کال په سياليو کي يې لوبه وګټله.
ټاکل سوې ده چي نن به الجريا او سلوينيا/ ماځيګر ۴ بجې، سربيا او ګانا/ ماښام ۶:۳۰ بجې او جرمني له اسټرليا سره ماښام پر ۱۱ بجې ترسره سي.
