لراوبر ویب پاڼه لراوبر يو افغان – تازه خبرونه
د افغانستان او جنوبي افريقا ترمنځ د کرکيټ لوبه د افغانستان پر وخت د مې د پنځمي نېټې د شپې له لسو بجو څخه څو ساعته ځنډول سوې ده، چي تر ياد سوي وخت درې نيم ساعته وروسته به د مې پر شپږمه د افغانستان پر وخت د سهار پر يوه نيمه بجه (په عامه اصطلاح د شپې يوه نيمه بجه) ترسره سي.
د افغانستان د ملي لوبډلي دپاره دغه لوبه ډېره مهمه ده، که چيري جنوبي افريقا ته ماته ورکړي، د افغانستان لوبډله به د نړۍ د اتو غوره لوبډلو کتار ته ور ننوزي او د نړۍ والو سياليو دوهم پړاو ته به لاره پيدا کړي.