لراوبر ویب پاڼه لراوبر يو افغان – تازه خبرونه
ناټو او کاناډایی منابع خبر ورکوی چی په تیرو ۲۴ ساعتونو کی د افغانستان په بېلابیلو سیمو کی د طالبانو په حملو کی درې بهرني پوځیان وژل سوي دي . یو په جنوب کی ماین والوزاوه ، دوهم په جنوب کی ماین ووژﺉ خو د دواړو هویت نه دی واضح یوی . درېیم کاناډایی پوځی دی چی پرون د کندهار په ژړۍ کی ماین ځوانیمرګ کړ . په دغو حملو سره د ناټو تلفات جمعأ ۱۷۲۲ ته ورسېدل چی د دې جملې څخه ۱۴۲ یې کاناډایان او ۱۰۴۱ یې هم امریکایان دي .
د یو بل خبر له مخی چی فرانس پریس آژانس ورکړ ، ویل کیږی چی تیر کال ۳۲۲ بهرني پوځیان د ماینونو ښکار سوي دي او ۱۸۱۳ یې هم زخمیان یا معیوب کړي دي چی دا د یو کال مخکی څخه دوه چنده کیږی . د سږ کال په لومړیو درو میاشتو کی ۱۵۴ بهرني پوځیان د طالبانو د حملو ښکار سوي چی د دې جملې څخه ۸۱ یې ماین وژلي دي .