لراوبر ویب پاڼه لراوبر يو افغان – تازه خبرونه
د پاکستان پوځ د خيبرپښتونخوا په قبايلي سيمو کي د ١٢٢ جنګياليو د وژلو ادعا وکړه.
د پاکستان د پوځ له خوا په خپره سوې اعلاميه کي راغلي چي دغه کسان تېره اونۍ په اورکزى ايجنسي، خيبرايجنسي او جنوبي وزيرستان کي د عملياتو پر مهال وژل سوي دي.
راپور وايي په اورکزى ايجنسي کي يې ٥٤ جنګيالي د قومندان سيدمحمد په ګډون وژلي چي مړي يې د اتمانخېلو په سيمه کي اوس هم پراته دي.
همدا راز د خيبرايجنسي په تيراه کي د بمباريو او مخامخ جنګ له امله ٦٠ جنګيالي وزير او پاتي نور د جنوبي وزيرستان په روغا سيمه کي نن سهار د پوځ سره په جنګ کي وژل سوي دي.