لراوبر ویب پاڼه لراوبر يو افغان – تازه خبرونه
د حالاتو پېچ و خم سړی خراب کړي
کله کله د چا غم سړی خراب کړي
جنتونه يې له سره صدقه کړي
غنمرنګ لکه ادم سړی خراب کړي
محبت د يوې داسې بلا نوم دی
هم ژوندی کړي مړی هم سړی خراب کړي
مخه ښه د ډکو سترګو کړي ورياده
د سهار پر ګل شبنم سړی خراب کړي
جينکۍ لکه د شنو بنګو پيالې دي
دروند ، پښتون او محترم سړی خراب کړي
د باران په شپه تش ياد د تودې غېږې
لېونی کړي سړی ، سم سړی خراب کړي
