امریکایان به مارجه ډیر ژر ولسوالي کړی

د امریکا « آی پی سی » خبری شبکې د ناټو په حواله خبر ورکړ چی امریکایی پوځ د څو هفتو لپاره نړۍ او خپرونو ته غلط معلومات ورکول چی مارجه ګواکي یو « ښار » دی ، یوه « پراخه سیمه » ده ، « څو مارکېټونه » لری ، « اتیا زره اوسیدونکی » لری ، « ۴۰۰ ـ ۱۰۰۰ طالبان » پر مسلط دي ، « ۲۰۰ کیلو متره مربع پراخه » منطقه ده ، « د طالبانو د تریاکو اصلی منبع » ده او داسی نور .
خبر زیاتوی چی امریکایی او برتانوي خپرونو او رسنیو هم په ډیر خوند او دلچسپۍ سره دا غلط اطلاعات زمزمه او غبرګول او هغه یې پر خپلو لوستونکو ، اورېدونکو او لیدونکو باندی پلورل حال دا چی مارجه یوه آرامه او عادی سیمه او زراعتی ساحه ده چی لیری کلی او څو ځایه محدود دکانونه لری او بس .
خبر زیاتوی چی د دې تبلیغاتو دوهم پړاو مارجې ته د افغانی « مشرانو » او غربی سیاست والو ور لېږل و ، خو اوس یې درېیم پړاو تر لاس لاندی نیولی چی هغه د ولسوالۍ درجې ته د مارجې لوړول دی او ځکه به نو ډیر ژر دا کار هم وکړی تر څو په خپلو دغو آخری تبلیغاتو سره امریکایان غلي او قانع کړی او افغانان تطمیع کړی .