لراوبر ویب پاڼه لراوبر يو افغان – تازه خبرونه
د ناټو د اتو ویشت غړو هیوادونو د دفاع وزیران نن د ترکیې په استانبول ښار کې جرګه سوي، چي د افغان امنیتي ځواکونو د روزنې لپاره افغانستان ته د زرګونو روزونکو پر لېږلو خبرې وکړي .
د ناټو ترمشرۍ لاندې ایساف افغانستان ته تازه څلوېښت زره نور سرتېري لېږلي، خو په داسي حال کي چي غواړي د امنیتي چارو مسئولیت افغان ځواکونو ته وسپاري د دغو ځواکونو د روزنې لپاره ډېر روزونکي نه لري .
د ناټو عمومي منشي اندریس فوګ راسموسن وایی نور په افغانستان کې ځواکونو ته اړتیا نه لري خو د تړون له غړو هیوادونوغواړي چې روزونکي ولېږي چې د افغانستان د ملي اردو او ملي پولیسو ځواکونه وروزي .