لراوبر ویب پاڼه لراوبر يو افغان – تازه خبرونه
په هندوستان کي يوې موسسې داسي نوټونه چاپ کړي چي ارزښت يې صفر روپۍ دئ، خو بيا هم په بازار کي چلېږي.
دغه ځانګړى نوټ د امريکا په ميريلنډ ايالت کي يوه هندي فيزيک پوه پروفيسر ويجى آنند د رشوت سره د مبارزې په خاطر د خپلي غير دولتي موسسې له خوا چاپ کړئ دئ.
دغه نوټ چي په تاميلناډو ايالت کي يوې ښځي د برېښنا يوه مامور ته د وړيا برېښنا د ترلاسه کولو دپاره په رشوت کي ورکړئ وو، له امله يې هغه مامور ډېر شرمېدلئ وو او له ښځي څخه د څو مياشتو پخوا اخيستئ رشوت يې لا بيرته ورکړئ دئ.
پروفيسر ويجى آنند وايي د ده له خوا چاپ سوئ نوټ په هيواد کي د رشوتخورو د مهارولو دپاره تر ټولو مهذبه طريقه ده.
د يادوني وړ ده چي د صفر نوټ د شکل له مخي د هندوستان پنځوسي ته ورته دئ او د اصلي پيسو په شان د ګاندي جي عکس هم ورباندي چاپ سوئ دئ.