د لونګو ميلې

اوس د لونګو پسی غرو ته پيغلې ولې نه ځي
دسيال لپاره چناروته پيغلې ولې نه ځي
***
دبازارو دا لڼډۍ لڼډۍکوڅی
خدايه ړندې شولې د ښکلو پسی
دګودر غاړی د سيندونو ويالې
د بنګړو ډکو دوکانو ته پيغلې ولې نه ځي
***
سپيره ګردونه په منګي پراته دي
دګودرو کشمالي جل وهلي
د قدمو لاندې زړګي پاتې دي
واوره خو نه وري سبو ته پيلې ولې نه ځي
***
د خوشحالۍ په زړه کې دمه نشته
په رنجو توری ستر ګې بدې ښکاري
مبارکۍ ته د چا طمه نشته
د غرو لمنو زيارتو ته پيغلې ولې نه ځي
***
ښايسته ځوانانو به لوونه کول
د کلي انجنو به ګيډۍ ټولول
بابرزی چابه اټنو نه کول
وخت د ګورګورو دي درو ته پيغلې ولې نه ځي