افغانستان د اسيادکرکيټ دشله اوريزو سياليو اتل سو

انځوريز البم

    

    

    

    

    

    

افغانستان نن عربي متحده اماراتو ته په خپل کور کې سختې ماتې ورکړه او د اسیا د شل اوریزو لوبو اتلولي یې خپل کړه، افغانستان اماراتو ته په ۸۴ منډو ماتې ورکړه.
امارات دوه ځلې له افغانستان نه ماتې وخوړه.
د نن لوبې غوره لوبغاړی محمد نبي عیسی خېل وو، هغه ۷۳ منډې کړې وې او د اماراتو څلور لوبغاړي یې سوځولي وو.
افغانستان په کویټ کې هم د اسیا د دوهمې درجې هیوادونو د شل اوریزو لوبو اتلولي ګټلې وه، افغانستان ددې ترڅنګ پدې سیالیو کې په لومړي ځل افغانستان وکولای شول، چې داسیا د ټسټ هیوادونو سره د لوبې کولو موقع پيدا کړي.
دوی به د ۲۰۱۰ کال د نومبر په میاشت کې په چین کې له پاکستان، هند، سریلانکا او بنګله دیش سره لوبیږي.
محمد نبي په یوه اوور او درې بالونو اووه منډې ورکړي او د اماراتو څلور لوبغاړي یې سوځولي.
شاپور ځدراڼ: درې وېکټې، نوروز منګل دوه وېکټې، نبي عیسی خېل دوه وېکټې، حمید حسن یوه وېکټه لا تراوسه اخیستې.
پنځلسم اوور نبي عیسی خېل کوي، هغه نن په بېټینګ کې ۷۴ منډې کړې وې.
څوارلسم اوور حمید حسن کوي، هغه د اماراتو اتم لوبغاړی په یارکر بولډ کړ، حمید حسن دومره ورته خوښ شو چې په لاسونو یې ګڼ ملاقونه ووهل. ښايي ملاقونه به د دري ژبې کلمه وي.
شپږم لوبغاړی کریم صادق کیچ کړی وو او اووم لوبغاړی نبي په خپل بال په خپل کیچ نېولی وو.
امارات په څوارلس اورونو کې ۱۱۲ منډې لري، اته یې سوځېدلي.
امارات ۱۰۵ منډې لري، د دیارلسم اوور څلور بالونه شوي.
نبي د هایټریک ونه شو کړای، هايټریک دې ته وايي چې یو بالر په درېیو بالونو سر په سر درې لوبغاړي وسوځوي.
نبي په دوو بالونو سر په سر دوه لوبغاړي وسوځول، هغه د هایټریک موکه لري.
نبي ډېر ښکلی اوور کړی.
دیارلسم اوور نبي راغی
د دولسم اوور درې بالونه شوي.
په دولسم اوور کې حمید حسن د اماراتو لوبغاړی توقیر په تېز بال وویشتل شو، هغه ټپي شوی او درملنې ته یې ډاکټر راغوښتل شوی، هغه په اوږه لګېدلی، لوبه ددې لپاره هم لږ ځنډنۍ شوه.
دولسم اوور ته حمید حسن راوستل شو.
لوبه شپېته د افغانستان په ګټه او څلوېښت د اماراتو په ګټه روانه ده.
یوولس اورونه شوي، د اماراتو لوبغاړي نعیم یوه شپږه ووهله.
لسم اوور نوروز منګل په خپل کوي.
نوروز منګل په خپل دوهم اوور کې د اماراتو بل لوبغاړی فیاض وسوځاوه، د هغه بال سمیع الله شینواري ونیاوه.
اماراتو ته په هر اوور کې له لسو منډو زیاتې په کار دي.
نهم اوور روان دی.
خرم خان په ډیپ کې نور علي ځدراڼ کیچ کړ.
نوروز د اماراتو کپټان په خپل اوور کې وسوځاوه.
نوروز منګل په خپل راغی
سمیع لیګ بریکر بالر دی هغه راوستل شو.
امارات په شپږو اورونو کې ۵۹ منډې کړي، ۴ سوځېدلي.
خو په بل بال خرم خان بیا څلوره واخیسته.
سمع شینواري په لیګ ان کې د یوې څلورې مخه ونېوله، خرم خان بېټسمین وو،
امارات دا مهال په پنځو اورونو کې ۴۹ منډې لري، لا یې درې لوبغاړي سوځېدلي.
کریم صادق د شپږم اوور بالینګ ته راوستل شو،
د اماراتو کپټان خرم خان تېزه لوبه کوي، هغه په لسو بالونو ۲۳ منډې کړي.
په شل اوریزه لوبو کې پاور پلې تر شپږو اورونو وي، افغانستان دا اورونه باید ښه وباسي.
په څلورم اوور کې یوولس منډې وشوې، د اماراتو کپټان خرم خان او نعیم ولاړ دي. خرم دولس منډې کړي دی خطرناک لوبغاړی دی.
در ېیم اوور شاپور ځدراڼ ډېر ښه وکړ.
شاپور ځدراڼ په درېیم اوور کې دوه لوبغاړي وسوځول، هغه محمد اقبال وسوځوه، اقبال ۱۴ منډې کړې وې، اقبال د شاپور په بال نوروز منګل کیچ کړ.
درییم اوور روان دی، اماراتو ۲۲ منډې کړي.
شاپور په خپل دوهم اوور کې د اماراتو بل لوبغاړی وسوځاوه، عرفان حیدر یې ایل بي ډبلیو کړ.
په دوهم اوور کې هم لس منډې واخېستل شوې.
له شاپور ځدراڼ په لومړي اوور کې لس منډې واخېستل شوې.
امجد جاوید د اماراتو تېز لوبغاړی وو.
امارانو لومړی لوبغاړی له لاسه ورکړ، امجد جاوید په لومړي اوور کې د شاپور ځدراڼ په بال حمید حسن کیچ کړ.
په لومړیو درېیو بالونو امارتو درې منډې کړي.
تر لنډې دمې اماراتو لوبه پيل کړه.

د افغانستان د بېټینګ حال:

د ۱۹۷ منډو هدف غوره هدف دی، افغانستان هغه مهال چې څلور لوبغاړي یې ژر له لاسه ورکړل ددې هدف ټاکل نه شونی برېښېده، خو ستوري او اتل محمد نبي عیسی خېل وښوده چې د لویو لوبو ښه لوبغاړی دی.
هغه ۷۴ منډې په ۳۴ بالونو وکړې، ورسره د ریس احمدزي ملګرتیا غوره وه، که څه هم د ریس احمدزي لوبه ډېره تېزه نه وه، ولې د نبي غوندې لوبغاړي ورسره لوبول خورا مهم وو.
که څه هم امارات ښه منډه جوړونکي لري ولې افغان بالران هم پدې سیالیو کې ځلېدلي.
د افغانستان له اړخه شاپور ځدراڼ، حمید حسن، پخپله ستورې نبي او سمیع الله شینواری به ددې مخه نیسي.
افغانستان ۱۹۶ منډې وکړې او اماراتو ته یې د ۱۹۷ منډو هدف وټاکه.
په وروستي اوور کې افغانستان ۱۵ منډې وکړې، دا منډې د سمیع الله شینواري او حمید حسن ترمنځ وې.

وروستی اوور دی، یعنې شلم اوور دی، ګوندې ۱۹۰ به ښه هدف وي.
سمیع الله شینواري ۱۷ منډې کړي او حمید حسن بیا یوه منډه کړې.
وبخښئ نبي په ۷۴ منډو کیچ شوې.
سمیع ۱۰ منډې کړي.
حمید حسن لوبې ته راووت، حمید تېر ځل په پنځو بالونو له اماراتو ۱۹ منډې کړې وې.
د شفیق له سوځېدو وروسته خالقداد نوري راووت هغه یوازې په درېیو بالونو ۴ منډې وکړې.
افغانستان ۱۷۰ منډې کړي، لا هم څو بالونه شته.
سمیع شته دی، هغه هم تیزه لوبه کوي، که افغان لوبغاړي هدف تر دوه سوه زیات کړي نو بیا به اماراتو ته ستونزمنه وي.
شفیق هم کیچ شو. هغه ۱۰ منډې وکړې.

خو لا اوس هم سمیع الله شینواری او شفیق شته دوی دواړه تېز دي.

نبي عیسی خېل ډېره عالي لوبه وکړه هغه افغانستان له ستونزې وژغوره، نبي عیسی خېل په ۳۴ بالونو ۷۹ منډې وکړې او وسوځېد، نبي ۴ شپږې او ۹ څلورې ووهلې، د غوره لوبغاړي همداسې عالي لوبه وي.

شفیق هم تېزه لوبه کوي هغه ۹ منډې کړي.
نبي عیسی خېل ۶۹ منډې کړي او لا هم ولاړ دی

نبي عیسی خېل لوبه ډېره تېزه کړه، هغه اوس ۶۸ منډې کړي.

له ریس وروسته شفق راووت، هغه هم خورا تېزه لوبه کوي.

نبي پنځوس منډې وکړې، هغه درې شپږې او شپږ څلورې وهلی او لا هم ولاړ دی.
ریس احمدزي او نبي ۶۰ منډې ګډې وکړې.
ریس احمدزی وسوځېد هغه په اتلس بالونو ۱۲ منډې وکړې، که څه هم لوبه یې کراره ولې له نبي سره ملګرتیا یې مهمه وه
د څوارلسم اوور لا درې بالونه شوي افغانستان ۱۲۳ منډې لري نبي او ریس دواړه ولاړ دي.

افغانستان په دیارلسم اوور کې ۱۱۵ منډې لري، نبي او ریس احمدزي ښه ملګرتیا وکړه.
نبي احمدزي ۴۰ منډې کړي او ریس احمدزي ۱۲ مندې کړي.

افغانستان ۱۰۵ منډې لري.
نبي ۳۲ منډې کړي، ریس احمدزي ۱۰ منډې وهلي.
نبي او ریس احمدزی دواړه ولاړ دي.

افغانستان په ۶۸ بالونو ۱۰۰ منډې وکړې.
نبي تېزه لوبه پیل کړې او ریس ورسره ښه ملګرتیا کوي.
نبي عیسی خېل او ریس احمدزی دواړه لا ولاړ دي.

یوولسم اوور روان دی
نبي ۲۴ منډې کړي او ریس احمدزي بیا ۷ منډې کړي.
نبي په یوه اوور کې د امارتو له بالر ۱۶ منډې واخېستې
افغانستان په لسو اوورنو کې ۷۸ منډې کړي.

نبي ۵ او ریس ۶ منډې کړي.

افغانستان ۷۴ منډې لري، اتم اوور روان دی، څلور لوبغاړي سوځېدلي
کریم صادق: ۱۴ منډې
نورعلي: ۶
نوروز منګل: ۱۱
شهزاد خان: ۱۶
نبي او ریس احمدزې دواړه ولاړ دي.

نبي لا منډه نده کړې، او ریس احمدزي یوه منډه کړې.
اوس ریس احمدزی او محمد نبي لوبې ته ولاړ دي.
افغان لوبغاړي داسې ښکاري چې سپین بال نه شي لوبولی.

له نوروز منګل پسې شهزاد خان هم وسوځېد هغه ۱۶ منډې وکړې، دوه شپږې هم ورسره وي.
نوروز منګل په ۱۱ منډو وسوځېد، هغه په دوه بالونو یوولس منډې وکړې.
پخپله نوروز منګل او شهزاد خان لوبې ته ولاړ دي.
کریم صادق په ۱۴ منډو او نورعلي ځدراڼ په ۶ منډو سوځېدلي.

افغانستان دوه لوبغاړي ژر له لاسه ورکړل، په درېیم اوور کې ۳۵ منډې دي.
افغانستان لومړی بېټینګ کوي، په لومړي اوور کې ۲۱ منډې یې کړي، لاهم کوم لوبغاړی ندی سوځېدلی.
نن دوشنبه لږ شېبه وروسته افغان کرکټ ملي لوبډله له عربي متحده اماراتو سره د اسیا د دویمې درجې هیوادونو د اتلولۍ وروستۍ سیالۍ ترسره کوي.
افغان لوبډلې تر دې وړاندې اماراتو ته په ګروپي سیالیو کې هم ماتې ورکړې وه، هلته اتل حمید حسن ځلېدلی وو، هغه
په وروستي بال شپږ منډې کړې وې چې همدومره منډو ته اړتیا وه.
افغانستان تر دې مهال شپږ لوبې کړي، یوه یې هم نده بایللې.

لر او بر ویبپاڼه به مو د لوبې له جزیئاتو خبروي.

انځورونه :