لراوبر ویب پاڼه لراوبر يو افغان – تازه خبرونه
يادونه : لراوبر ويبپاڼي تل په هره بيه خپله خپلواکي ساتلې ده ، لراوبر د ټاکنو پر مهال د سلګونو داسي ليکنو له خپريدو ډډه وکړه چي ځينو ډالرسالارانو د ولس په سترګو کي دخاورو شيندلو په موخه په يو شمېر ليکوالو د پيسو په بدل کي ترتيب کړي وې . لراوبر لاندنۍ ليکنه په افغانستان کي د تيرو ټولټاکنو او د هغو د پايلو په اړه ستاسو د نظر څرګندولو په موخه خپروي ، لطفاً د موضوع په اړه خپل نظر په لنډ ډول ثبت کړئ . لاندنۍ ليکنه دليکوال خپل نظر دی ، نه د لراوبر ويبباڼي د ادارې .
هغه د چا خبره ټاکنی نه شوې سم د مندو شاه واده شو. دادی اوس څلور اوونۍ اووښتونکی دی چی د ټاکنو پایلی تر اوسه نه دی اعلان شوی. کله د درغلیو او تقلب بهانې کیږی او کله بیا د ۵۰+۱ خبری کیږی. خو زما په خیال د سیاست د ډګر اکثره لوبغاړی اوس په دې پوه شوی دی چی دا کومه لوبه چی روانه ده پای نه لری او موږ هسی پکی استعمالیږو. د دې له پاره چی موضوع لږ سمه روښانه کړو باید د ټاکنو څخه دریو میاشتی مخکی وخت او حالاتو ته بیا وګورو.
کله چی د افغان ټاکنو د پاره د نیټی د اعلان موضوع را پورته شوه. چی هر یوه غوښتل له دی موضوع څخه سیاسی ګټه پورته کړی. خو د کرزی سیاسی چالونو او تدبیرونو دغو موسمی حشراتو ته وخت ورنه کړ چی له غارونو دباندی ډیر وخت وګرځی او فضا ککړه کړی. وروسته چی کله د ولمشرۍ له پاره د څانونو د نوماندۍ موضوع راغله نو یو وخت خو داسی ښکاریدله چی دا افغانستان نه بلکه کاندید دانۍ ده. هر یوه غوښتل چی ولسمشر شی او د وطنوالو د دوی په اصطلاح خدمت وکړی. دا نوملړ ډیر اوږ وو او ډیر نومونه پکی یاد شول. چی مهم یی انوارالحق احدی، علی احمد جلالی، زلمۍ خلیلزاد، ګل اغا شیرزی، اشرف غنی احمدزی، میرویس یاسینی، هدایت امین ارسلا او نور داسی کسان چی نومونه یادول یی د دی لیکنی تر وس وتلی خبره ده. دغه اشخاصو د کاندیداتوری شاته ځینی مشخص اهداف درلودل. ځینی اشخاصو په راروان دولت کی ځان ته د یو پوسټ حفظ کول غوښتل. خو ځینی جدی کاندیدان هم وو. په زړه پوری خبره داوه چی دا کاندیدان اکثریت پښتانه وو. او هریوه خپله برنامه داسی بیانوله چی ګواکی هغه بدلون راولی. او خلک پوهیدل چی د بدلون څخه یی مطلب د واک څخه د کرزی ایسته کول وو. د کاندیدانو د شمیر زیاتیدو ډیرۍ افغانان په دی پوه کړل چی د چی اصل لوبه څه ده یعنی په لومړی قدم کی د پښتنو د رایو تقسیمول او ددغه لاری د بهرنیانو په اشاره د کرزی بلیک میل کول. ویل کیږی چی بهرنیو کړیو، سفارتونو اکثریت کاندیدانو ته د خپلی پوره همکارۍ ډاډ ورکړی وو. او هر یوه ته یی د ارګ کیلۍ ورکړی وی. خو هغوی نه وو خبر چی د ارګ قلفونه اوس نور دی او هغه د اوو کلونو زړی کیلۍ اوس کار نه ورته کوی.
د افغانستان ولسمشر حامد کرزی چی له ډیره وخته یی پر ځینو موضوعاتو له نړیوالو بالخصوص امریکایانو سره اړیکی ترینګلی شوی وی. او بهرنیانو د کرزی دغه نیوکی د ځان له پاره سرخوږی بللی وو. چی عمده هغه یی د بهرنیو ځواکونو خپلسری عملیات او په دغه عملیاتو کی د ملکی وګړو مرګ ژوبله وه. په همدغه وخت کی چی کله به کرزی د نړیوالو سره په جنجال بوخت وو ځینی افغانی سیاسی کړیو د کرزی پر خلاف د بهرنیو خوا ونیول او ضعف یی په افغان دولت کی بللو او ځان به یی په دی ډول د بهرنیو خواخوږی څرګندولو. د دغه سیاسی کړیو او سړیو داسی کړنو کرزی په دی پوه کړ چی نور په هر رنګ چی وی ځان باید افغانایز کړی او د بهرنیانو د دسیسو او بلیک میلینګ په مقابل کی چمتووالی ونیسی. او د بهرنیانو سره تر بارګین کولو یی دا بهتر وګڼله چی چی له افغانانو سره بارګین وکړی. که څه هم دا یوه ناخوښه لار وه خو د مجبورۍ او په شته امکاناتو کی یو بهتر امکان وو. او دغسی یو نا مقدس بارګین ته د کرزی په مجبورولو کی د هغه ټولو افغانی سیاسی څیرو لاس هم وو چی ځانونه یی د ولمشری په ټاکنو کی کاندیداتورۍ ته تیارول. نو په دی ډول کرزی له مجبورۍ د شمال یوبدنامه جنګ سالار قوماندان قیسم فهیم او یوبل ټوپک مار خلیلی د ځان معاونین وټاکل.
که څه هم د دغه خلکو په ټاکلو سره کرزۍ له هری خوا څخه تر انتقادونو لاندی راغی او حتی دهغه بهرنیانو له خوا هم. کوم چا چی کرزی دی ته مجبور کړ چی هغه څوک بیرته په واک کی شریک کړی کوم چی یو ځل پخوا ښاغلی کرزی له واکه شړلی وو. کرزی مجبور شو چی ځینی سیاسی وعدی هم د خلکو سره د وزارتونو او ولایتونو وکړی. دا هغه څه وو چی الزام یی باید یوازی کرزی ته ورنکړل شی. بلکی په دی کړنه کی هغه د هغه ټولو کاندیدانو لکه داکټر اشرف غنی، یاسینی، ارسلا، سرور احمدزی اوداسی نورو لاس وو چی کرزی یی دی ته مجبور کړی چی مصلحتونه باید په پام کی ونیسی. خو د دی سره کرزی په دی بریالی شو چی ځینی مهم کاندیدان لکه احدی، شیرزی او جلالی د ځان په ګټه تیر کړی.
برسیره پر دی یو تر ټولو مهمه ننګونه په پښتون میشتو سیمو کی چی د کرزی اصلی ووټ بینک یی تشکیلولو د طالبانو له خوا د ټاکنو له بهیر څخه د خلکو راګرزول وو.
د دغه ټولو ستونزو او ننګونو سره سره د ټاکنو ورځ راورسیده په ټول افغانستان کی خلکو د ویری تر سیوری لاندی رایی ورکړی. نړیوالو کتونکو او مشرانو لومړۍ خو دا ټاکنی بریالۍ وبللی خو د هری ورځی په تیریدو سره د هغوی دا دریځ تغیر وخوړ. د پښتنو رایی چی له اوله د ذکر شوو عواملو له امله زیانمنی شوی وی. او د ځینو نابالغه(فکری نابالغه) کاندیدانو له خوا نوری هم بی اعتباره شوی. چی دا غمیزه به د افغانستان پر راتلونکی ډیری ناوړه اغیزی وښندی او دغه نابالغه کاندیدان او د هغوی ځینی پښتون نما استازی لکه علومی، ملالی اسحاقزی او اسحاق ګیلانی رنګه خلک به د دغه خیانت په تور د سقاو د زوی سره افغان تاریخ په یوه کتار کی ودروی.
لومړی فکتور چی د پښتنو رایی یی تر اغیزی لاندی راوستی د طالبانو له خوا د خلکو ګواښل وو. دوهم هغه یی پر قومی اساس د پښتنو د رایو ویشل وو. دریم یی پر سیاسی او نظریاتی اساس د رایو ویشل کیدل وو. چی متاسفانه دا فکتور یوازی په پښتنو کی وجود لری چی هغوی پر ډیر حساس پړاو هم پر ایډیالوژیکی اساس یعنی د مجاهد او روشنفکره او خلقی په نامه سره وویشل شی. او په دی ډول څلورم او مهم فکتور یی د پښتنو کاندیدانو د شمیر زیاتوالۍ دی.
د پښتنو رایی چی له اوله د غه پورته فکتورونو زیانمنی کړی وی د تقلب او درغلیو تورونو نوری پسی زیانمنی کړی. او د بی اعتبارۍ تور داغ هم پر ولګیدۍ. د افسوس ځای خو داوو چی دا تورونه د هغو پښتنو کاندیدانو له خوا ولګول شول چی د بری یی هیڅ چانس هم نه وو او حتی تر یو فیصد یا دوه فیصده یی زیاته رایه هم وانخیستله. او په یو ریاست یی هم غاړی ایستلی. دغه کاندیدانو په ټولو کی د پښتنو موقف ډیر زیات کمزورۍ کړ او د افغانانو په عدالت کی یی ځانونه مجرم ثابت کړل. او خپله یی هیڅ ګټه نه یووړله خو پښتون او افغان ضد کاندید یی په اخلاقی او سیاسی لحاظ پیاوړی کړ. یعنی اوږی د پښتنو او ټوپک د پښتون ضد قوتونو او ښکار هم پښتانه. که د ګیلی خبره شی نو د هغو خلکو څخه چی په مشرق، مغرب او جنوب کی یی د عبدالله د پاره کار کولو، دهغوی څخه خو هیڅ ګیله نه کیدله ځکه چی هغه خلکو ته خو ملی ګټی هیڅ ارزښت نه لری. چی مثال یی حمیدالله توخی، عبیدالله اڅکزی او نور وو او د علومی او اسحاق ګیلانی ډول خلکو څخه خو هم ګیله ځکه نه کیږی. چی هغوی د افغانیت او پښتونولۍ په هیڅ تعریف کی نه راځی او ملالی اسحاقزی او شکیبا خو ټولو ته معلومی دی چی په کندهار ښار کی یی پخوا څه فعالیتونه لرل. او بله دا چی ډیر خوشال اروا خلک خو د ملالۍ اسحاقزۍ او شکیبا په توسط د عبدالله له پاره کار کولو ته اماده شول. ګیله زیاته له هغه خلکو څخه کیدله چی ځانونه یی د افغانانو خواخوږی او فرهنګ دوسته بلل. خو په ناپوهۍ کی یی د تل له پاره د افغانانو په ملا کی د بی اعتبارۍ خنجر ور ښخ کړ.
که څه هم تر اوسه د ټاکنو نهایی پایلی نه دی اعلان شوی. خو معلومیږی چی په کندهار، پکتیکا او ځینی مشرقی ولایتونو او غزنی چی ډیری رایی یی د پښتنو کاندیدانو د ناپوهۍ له امله تر پوښتنی لاندی راغلی دی. او ښایی ډیره برخه یی باطلی اعلان شی. چی داکار به د همیشه له پاره پښتانه له سیاسی واکه بی برخی او د هغوی رایی د همیشه له پاره بی اعتباره کړی.
اوس چی د راروان حکومت خبری کیږی. نو نړیوال هڅه کوی چی کرزی یو ځل بیا دی ته مجبور کړی چی یو داسی ایتلافی دولت را منځ ته کړی. چی ځینی وزیران به د بهرنیو سفارتونو له خوا او پاتی نور به بیا د نظار د شورا او ستمیانو او د علومی رنګه ملی خاینانو له خوا معرفی کیږی. او د ټاکنو د پایلو د ځنډیدلو اصلی لامل هم همدا بریښی. خو لیدل کیږی چی کرزی تر اوسه ملی دریځ خپل کړۍ دۍ او بهرنیو او داخلی معامله ګرو ته یی په ډاګه کړی چی په هیڅ ډول به ایتلافی دولت ته غاړه نه ږدی. او د تیرو اوو کلونو کړی اشتباهات به بیا نه تکراروی چی یو وزیر به د المان د سفارت له خوا او بل به د انګلیستان د سفارت له خوا معرفی کیدۍ اوځینی والیان به هم مستقیما دسفارتونو سره په ارتباط کی وو. اوس نو دا د افغان سیاسی څیرو فریضه جوړیږی چی تیر اشتباهات بیا تکرار نه کړی. او ملی دريځ خپل کړی. که نه نو معلومیږی چی نړیوالو دعبدالله او د هغه سره په کڅوړه کی موجود مجاهد نما، ستمیانو، او علومی رنګه خاینانو واک ته د رسولو پوره تیارۍ نیولۍ دی. او ښایی د دی له پاره انتخابات دویم پړاو ته وایستل شی. چی هلته به بیا یو واضح کرښه کش شی. او دا کرښه به ډیره زیاته تاوانی کرښه وی.
خدای دی زموږ پر وطن رحم وکړی. آمین ثم آمین
فښتانه واې چه ېو چا داوښ څخه فوښتنه وکړه؟ چې داغاړه دې والې کږه ده ؟ اوښ فه جوابکې فه ډېره خنداې قهقه سره ورته ووېل چه ذه ډېر فه تعجوب او فه افسوذ سره داسې جوابدرکوم چه تا ذما فه وجودکې کوم اندام سملېدلېدی؟ چې ته مې دغاړې فوښتنه کوې؟ ستاسې وړوکې مولګرې ګران ذوندون
اولا: زه به دا ووايمه چي موژ پخپله د كوچني كلي نه كرزي صاحب ته 1300 رايي واچولي او زه پر دي باندي زيات خوشحاله يمه چي انتخاب مو انشا الله معقول وه.
ثانيا: كه فكر وكو نو دا اظهر من الشمس ده چه بايد خلكو كرزي صاحب ته رايي نه واي اچولي دا په دي چي په دي دومره موده كي گرده خلك له كرزي صاحب نه شكايت كوونكي وه او دده له حكومت نه خفه وه. نن بيا دي خفه او مظلوم ملت هغه چا ته رايه واچوله چي ترينه زيات گيله من وه. خو زه نه پوهيژم چي دا ولي؟
كه هر كرزي ته رايه اچوونكي له خپل وجدان نه پوشتنه وكي چي ولي؟ نو جوابونه به يي مختلفه وي. خو كله چي ما له خپل وجدان نه ددي راي اچوني پوشتنه وكره چي ولي دي هغه چا ته رايه واچوله چه په طول ددي 7-8 كلونو كي ترينه دلسرده وي؟
ولي دي يو شه بديل ونه لتاوه؟ ولي دي بيا د تير په شان اشتباه وكره؟ نو ده راته وويل:
د چهري خبره مه كوه جانانه
هسي روح مي ستا په روح باندي ميين دي
سلامونه
دغه لیکنه ټوله په حقایقو بنا ده، خو هدف پکې څرګند دئ، هغه دا چې د لاسپوڅي کرزي د کړنو او معامله ګریو د توجیه کوښښ پکې شوئ دئ، کرزئ یو مردود، خاین او افغان دښمنه سړئ دئ، که ښاغلئ لیکوال د ددغه خاین اوسني دریځ ته د ملي موقف نوم ورکوي، نو مهرباني دې وکړي مونږ ته دې د ملي دریځ لنډ تعریف وړاندې کړي.
د کرزي کمپاینران او ملاتړي خو تر ټولو هغو نورو چې په لیکنه کې یې د تاریخي خیانت یادونه شوې، په جرم کې لوړ اود پست ترین شخصیت خاوندان دي، ځکه چې د تیرو اتو کلونو پیښو د کرزي څیره د خپلو بادارانو په ګډون ټولو ته روښانه کړه، خو دغه غیرمتجانسو او غیر متناسبو مجرمو او منافقو اشخاصو ددې باوجود بیا هم د ده تر څنګ ودریدل اونه تنها چې رایه یې ورکړه بلکه د درغلیو د جوال خوله یې هم د کرزي د لنډغرو سره یو ځای ونیوه.
زما په نظر خو تر ټولو غټ او تاریخي مجرمین قاضي محمد امین وقاد او د حزب اسلامي د اجرایې شورا اکثریت غړي دي چې ځانونه یې د فهیم، دوستم او خلیلي په شان اشخاصو په شان د هیڅ امتیاز په بدل کې د کرزي په مږوي وتړل، چې پدې سره نه یوازې دوی خپل قلابي شخصیتونه د ابد لپاره خدشه دار کړل بلکه په ټول افغانستان کې یې د افغاني اخوانیانو د نمایندګئ او مصلحتي معامله ګرئ یوه بله ورسته او وروستئ بیلګه وړاندې کړه.
لیکوال د افغان سیاسي اشخاصو ملي فریضه بیانوي ؟؟ چې تیر اشتباهات تکرار نکړي؟ مطلب یې د صحنې نه وتلي خپلواک او ملي افغان سیاسیون دي که د ډرامې ظاهري ګټونکي او قیماربازه سیاستبازان؟؟
پاتې شول د ډرامې بایلوونکي، د دوی په منځ کې که ځنې په رښتیا هم د ملت له غمه راوړاندې شوې وو، نو که ډرامه یې د لاسه ووته نو ولس خو له منځه ندئ تللئ، د ولس موقف او غوښتنې خو ثابتې او پر ځای دي؟ ولې د ولس تر څنګ نه دریژي؟ اشرف غني …. بشردوست او ……. ولې خاموشه شول؟ د ډرامې د کمپاین لسمه برخه انرژي دې اوس د ولس د خیر او خپلواکئ نه په دفاع کې په کار یوسي؟
مالومه خبره ده چې د ډرامې ټول لوبغاړي د یوه سره بهرني مامورین وو او دي، او د خاموشئ وجه یې هماغه ددوی د بادارانو اوسنئ کوښښ دئ چې اوس یې د یوې ایتلافي ادارې په چوکاټ کې د کرزي سره شریک کول غواړي.
خدای دې د ټولو هغو سره عدل او حساب وکړي چې د مال . مصلحت او امتیاز په مقابل کې یې ولس، وطن، دین، خپلواکئ او تاریخ ته شا کړې ده. آمین
خدای دې ټول هغه اشخاص د شرم او ذلت سره مخ کړي چې د مسلمان او اسلامي عقیدې تر شعار لاندې یې د غربي لاسپوڅو خدای جتي خدمت ته ملا تړلې ده. آمین ثم آمین
ټول د لر او بر لوستونکو ته سلامونه.
پښتون صاحب ستا لیکنه په ځای ده خو خدای دی په ټولو پښتنو کی تریخی پیدا کړی چی ستا په شان فکر ولری.خو خدای دی ټول هغه خلک چی د پښتون وژنی څخه لاس نه اخلی د خپل اولاد څخه خلاص کړی.
dasi khari che daa likana ham da Arg da dollaro pa zariya likal shawi da, kani no da karzi darghali kho la chaa na da pata, paati shwa da pashtano khabara shaghalai likwal laka chi tar ausa pa di nazar dai chi da karzi hakomat da pashtano dai, pa daasi haal ke chi da pashtano mashoman pa spayo daral kizi, pa khazo ki yi Amricayi pawjian talashai kawi, korona aw kali yi bambarizi, pa baghono ki yi sarakan estal kizi, kho karzai lala daa 7 kala nari wahi chi bambari nasi zghamalai, kho laas tar zani warta nast dai
په ژوند کي مي چي څومره د افغانستان په تاريخ کي دپښتنو په تاريخ کي د دغه قوم دځينو ګوډاګيو تاريخ لوستی دی.
دحامد کرزي په اندازه بې کفايته، بې هويته او بې غيرته تش په نامه پښتون دپاره اصلاأ توري لټوم چي دپښتني قاموس په کوم نوم او صفت يې ياد کړم. زه فکر کوم چي باشعوره پښتانه پوهيږي چي زما خبري احساساتي نه دي. په درناوي.
دلراوبر درندوکارکوونکو او ټولودقدروړعزیزانوته چې خپلې لیکنې او دزړه خوالې پدې پاڼه کې څرګندوی درناوی او هیله لرم چې خپله دغه رسنۍ درنده وساتې ، ټولو پوهیږو چې غوا توره او شیدې یې سپنې دی ، مجبور یو چې خپل زړه په یو چا تش کړو، خویو څه هم باید اندازه وساتو او حوصله ولرو ،
کیدای شی زمونږ ځینې سپکې سپورې نتجه هم ولری ، خو دهغوی چې پرغوږیو دچپنې لستوڼې منډلی او سترګوته یې دقرقل دیوال اودرولی څه تاثیرلری ، هغوی خو خپل سیبان له تلخان خوروسره شریک خوری ،او هغوی ته خومارشال خوسکی او پیت پوزی ایرانی له ما او تا او له هغه بل افغان څخه زیات اهمیت لری ،مااو تا هغه بل اصیل افغان خو په همدی ناافغانه او بې پښتو دخپلو رایو دوه ځله بې له دې چې دهغه شاوخواافغان او پښتون دښمنه لیوان تول او ترازوکړو، پیرزوینه وکړه ،خو هغه دچاخبره (هرڅو نصیحتونه ورته وشول – هغه خدای بې لارې کړی په لار نشو) نو اوس هم په ډیر افسوس سره چې که هر څومره چیغې وکړو بیاهم وغولیدو،
کاش کوم دشوربازار هندوکاندید او بریالی شوی وایې ، که نور هیڅ وس موهم نه درلودی له هندو خو دې پوښتنې او ګیلې امکان کیداشو ، پښتانه او افغان یو له هغه چې تکې سرې مڼې ته سیب وایې په کومه خوله ګیله وکړو،
خو یوازنې لار هماغه دافغان اوپښتون پنځم مذهب دی ، ده خو دخپل پلارمړی دښمن ته وروباخښه ، خو هغه چې پښتون او افغان وی سل کاله وروسته هم خپل مړی ګټی ، په خبره به انشآالله بریالی که رښتیا پښتون وې پوهیدلی وی. ځکه چې دهیوادپه جنوب او شرق ډیربې ګناه انسانان په وینو لمبیدلی .فاعتبیره الاابصار
السلام عليکم ، په ريشتيا هم چي د پښتنو رايي وويشل سوې ، کرزی که څه هم په هيڅ ډول د افغانستان د بيا ولسمشر کيدو لايق نه دی ، مګر د نورو کانديدانو په پرتله په خصوصآ د عبدالله عبدالله په پرتله مناسب دی .اوس به افغانان د سپي له نيستۍ له چغاله کار اخلي .
پښتانه په حقيقت کي د دغه تش په نامه کانديدانو پرتله او مقايسه کول بې اساسه کاربولي ځکه خو متل کوي چي وايي (اشه ښه ده که بله ويل مه يوه وينې مه بله) په اشغال سوي هيواد کي ټاکني څه مانا لري. ترټولو ښه لار يې مقاطعه ده.
کله چي پښتون دکابل په واک پوره برخه ونه لري. نو د دغه ټاکنو باداران به خپله اړ سي چي دپښتون واقعيت ومني. لوی څښتن دي ګران افغانستان د دغه ناولي انسان اودپښتنو قاتل کرزي له غضبه خلاس کړي. امين يا رب العالمين
Grano, ke intekhabat bya weshee, no mong kum kandid laru, aw barkha pa ke akhlo? Da zek pukhtem che zmong dagha hal dai che khaber pa kharwar kawoo, noor tsa hadaf na laru.
ګرانو لوستونکو: راشۍ چې دیوه معیارله مخې خبرې او قضاوت وکړو. یا به ځانونه مسلمان وبولو، نو بیا به شریعت ته مخه کوو، او یا به ځانونه پښتانه وبولو نو بیا به په پښتو )پښتونولۍ( باندې خبره سره وکړو او یا به ځانونه روشن فکره وبولو نو بیا به په مدني قانون باندې خبرې سره وکړو.
شریعت: ثالت شاشجاع او ټلوالې یې د اسلام او مسلمانانو ددښمنانو په صف کې ځای نیولی دی، او په حکومت کې یې اسلامي حدود نه عملي کیږي.
پښتو: زما ژبې، زما کلتور، زما عنعنو او زما رواجونو ته نه یوازې داچې سپکاوی کیږي ، بلکه د تروریزم دتولید آیدیولوژی بلل کیږي او ټوله دنیا پسې راوتلې چې محوه یې کړي. له طالب څخه غوښتنه کیږي چې راته تسلیم شه او دا او دا راسره ومنه، آیا داد پښتو په کوم قانون کې شته چې له دښمن څخه وغواړې چې وسله راته په ځمکه کیږده او له خپلو ټولو ارزښتونو تیرشه؟!
مدنی قانون: آیا له سره ترپایه ټول مفسدین ندی؟ آیا له اساسي قانون رانیولې تروړو قوانینو ټول ندی مات شوی؟ آیا دقانون پلي کوونکي خپله قانون نه ماتوی؟ آیا دقانون له مخې چې کله ترپنځوسو فیصدو کم خلک اشتراک وکړی، داانتخابات غیرمشروع ندی؟ آیا کله چې بهرنی هیوادونه په انتخاباتوکې مداخله وکړي داانتخابات غیرمشروع ندی؟ آیا کله چې په میلیونونو تقلبي رایې صندقونو ته واچول شي دا انتخابات تقلبي ندی؟
نو ځانونو ته بازي مه ورکوﺉ. خلکو ته دساده ګانو فکرمه کوﺉ. تاسې چې ځانونو ته هوښیاروایی همداسې به بیا پخپل ځان لعنت ووایې لکه چې له لومړي ځل ټاکنو وروسته مو په ځان ویلی وو.
تل دحق او عدالت ملګری اوسي. که پښتانه او افغانان له دې بلاڅخه خلاصول غواړﺉ نو لومړي ملک له همدې خاینانو خلاص کړﺉ او قدرت رښتینو افغانانو ته په لاس ورکړﺉ. دملي پخلاینې دیوې رښتینې پروسې لپاره مټې رابډ وهۍ او دمنافقینو له ملګرتیا څخه ډډه وکړﺉ.
وماعلینا الا البلاغ