لراوبر ویب پاڼه لراوبر يو افغان – تازه خبرونه
لونګینه په څنګ څنګ راواوړه
دسیند اوبه د ،،ورا،،سندره بولي
دسپوږمۍ وړانګو د رڼا په ژبه
د ساحلونو د ښکله قصیده ولوستله
د چنارونو پاڼو
د چا د ګنډ کمیس
د سپین پاولو په شانې ورسره
ښکلي اتڼونه سرک ړه
ماښامنۍ وږمې په غېږه کې خپل
د سیند دهغې غاړې
د مست اتڼ مسته سندره راوړې
،،لونګینه په څنګ،څنګ راواوړه،،
په څنګ راواوړه چې دې وشمېرم خالونه،
لونګینه په څنګ،څنګ راواوړه،،
د سیند په هغه غاړه زما د ورور واده دی
شپې ته خو وېنې کنه؟
څه بې مثاله ستا شېبې دي هلته
زما د پلار د کلا هسک برجونه
د آسمان ستوري پخپل څوکو اخلي
زما د ورور د لاس نکریزې په شپه
د مازدیګر سره شفقونه راوړي
شمله یې هسکه ده تر هسک نښتره
د سپین نرګس په شانې ښکلو جامو کې
لکه زیرې د سبا ځلیږی
مخ ته یې آس ولاړ دی
پښه په رکاب کې ږدي
بابا پګړۍ کې ورته ګل ټومبي
ښکاري چې درومي او د برکلي نه
ناوې راوړي
ـــــــــــــــــ
د سیند په هغه غاړه
زما د پلار کاله کې ښکلې او رنګینه شپه ده
د سیند په دغه غاړه
په ما بدمرغه شپه ده
سپوږمۍ ته وینې که نه؟
چې زه د ددو قومونو
دتاریخي بدیو
د نسل ،نسل ځنځیرونه
په ریښمینو پښو کې څنګه وړمه؟
زه د بدیو بدل
زه د بدۍ قرباني
زه د مېړه زه د خاوند زه د واکدار نارینه
د امر حکم بندۍ
د نسل،نسل د مینځتوب انځور
د نسل،نسل د کړیو زولنو عروج
زما ژوندون دی د واکدار نارینه
د یوه ،،نه،، په حد کې
د یوه ،،نه،، په پولو
د یوه،،نه،، پر حکم
ددغه ،،نه،، د اور باران کې زه
د سکه ورور واده ته نشمه تلای
masha ALLAH da parwenn malal maqala me dera khosha showa ma yo bal bayan ham lostalai wo da parwen malal no da qalam na deer mutasira shawam za hameed dua kaam chi ALLAH pak de pa khapal fazal sara zamooz pa watan ki amna peda ki chi da parwenn malal shan di noor ham injoony khapal taleem hasil ki ( ammen)