لراوبر ویب پاڼه لراوبر يو افغان – تازه خبرونه
برايې ماښام دکندهارپه ارغنداب والسوالۍ کې دسړک دغاړي په بمي چاودنه کې ديوه پوليس افسرپه ګډون پنځوپوليسوته مرګ ژوبله اوښتې .
پېښه دوالسوالۍ په (خسرو)سيمه کې هغه مهال رامنځ ته سوې چې يادسوي پوليس په امنيتي ګښت بوخت وو.
داغنداب والسوال عبدالجبارلراوبرته وويل چې پدغه پېښه کې داجميرپه نامه دپوليسوديوه افسرپه ګډون څلورپوليس وژل سوي اوتن يې ټپي سوى دى.
بلخوادزابل ولايت په سيورى والسوالۍ کې بياپوليس چارواکې وايې چې دنړيوالوځواکونوپه يوه هوايې بريدکې درې وسله وال طالبان پداسي حال کې وژل سوي چې غوښتل يې دسيوري – کلات ترمنځ پرلويه لارماينونه ښخ کړي دزابل دامنيت آمرسمونوال جيلاني فراهي لراوبرته وويل چې يادسوي شمېروسله وال طالبان دسيوري په ديوالک سيمه کې وژل سوي اوجسدونه يې نن سهارپوليسودکلات لوى روغتون ته لېږدولي دي .
خوخپله طالبانوپدې اړه څه ندي ويلي .