لراوبر ویب پاڼه لراوبر يو افغان – تازه خبرونه
ټاکل سوې ده چي نن د جولاى پر ٢٥ – مه په کندهار کي د فټبال د پيل سوي ولايتي ټورنمنټ وروستۍ لوبه ترسره سي.
د کندهار د فټبال فدراسيون رئيس محمدنبي نيازى وايي پايلوبي ته د کندهار آريا لوبډله او د فراه ولايت منتخبه لوبډله وتلي دي.
په نيمه پايلوبو کي آريا لوبډلي له چمن څخه يو د صفر په مقابل کي وګټل او فراه د کندهار له خراسان لوبډلي څخه يو د صفر په وړاندي وګټله، چي نن د شنبې په ورځ به د کندهار آريا او د فراه منتخبه لوبډله له يو بل سره وروستۍ لوبه ترسره کړي.