هسې په زخمونومالګې مه دوړوئ

                                                                                                                                                                    
بي بي سي وایي چې اوبامابیاپه ښي اړخ راجګ شوی اودافغانستان په شمال کې دشهیدوطالبانودمرګ پلټنه کوي .کرزی چې دازبکودرایودګټلولپاره دوستم دګورت بیډی بولي دسیامک هراتي په خوله یې اعلان کړه چې که له د وستم نه پوښتنه کیږي بیادې دهغه وخت دبوش دحکومت له پوځي اواستخباراتي چارواکونه هم وشي چې هم یې دوستم له سره وزیږاوه اوهم یې قلعه جنګي بمبارکړه .
داخودجګوښاخوخبرې دي که راشوټیټوته دشمال دتراژیدۍ یوځل بیارایادیدودنوروهیوادوالو غوندې وزګارلیکوال هم بې اغیزې ندي پرې ایښی ځیني چې لږشانته انساني عاطفه اودمسلمانۍ درد لري ددې تراژیدۍ دڅرنګوالي وحشت اودهشت بوږنولي نوځکه یې زبون وهل شوی اوسره له دې چې موضوع ګرمه ده دوی هیڅ هم نه پرې لیکی اوټول درد اودوک په زړه تیروي .
خوځینې نوربیاچې نه پوهیږم کوم مشرب ته متعهدیې وبولم په دې برخه کې لیکنې کوي خوتروروستۍ کچې هڅه کوي چې دپیښې دقربانیانوداقرباوو خواخوږواودکورنیودغړوپه زخمونومالګې ورودوړوي .
له دې جملې مې یوه لیکنه هم شیبه وړاندې په ټول افغان کې ولوسته چې ( عتیق نااشنا) نامي لیکلي په لیکنه کې لومړی دشهیدوطالبانودوژنې دحالت زړه دردوونکي خبرې اوجزیات رابرسیره شوي چې دټولو رښتیاوالی هم کره نه بریښي وروسته ددې په ځای چې دلیکوال له قلم څخه دانساني عاطفې یاله دې مظالمودمتاثرکیدوڅه توري راووزی په پوره بې باکۍ خبره په دې فیصله کوي چې طالبانودیوه اوبل په غوښوخولې ولګولې اودپړسیدلوکبانوپه شان له کانتینرونوراتویي شول .
خیر  . دنوموړي دابی حسي خوبه ځکه وروبښوچې ښايي دی به ځان ژورنالست فرضوي اوژورنالستان خوبیاوايي چې مونږ یوازې سترګې لرو چې پیښې پرې ووینوزړونه نه لروچې په چاودردیږي .
خبره وروسته ډيره دردونکې ده چې نوموړی لیکوال په همدې شهیدوطالبانو اوهغوپه مشرانوچې زیاتره یې همدلته قرباني شول دغلامانوټاپې لګوي اووايي چې دا آی ایس آی لپاره یې دانجام قبول کړ.
زه نه پوهیږ م چې دغه ډول لیکوالانوپه کوم کتاب قسم خوړلی چې له عقدې ډک زړونه یې زمادبخاري په طالبانواودقران په قاریانونه سړیږي .لوستونکوتاسوخدای ته مخ کړی ماته شاکړئ اوبیاووایی چې دومره لویه قرباني به څوک دیوه خدای له رضاپرته دبل څه لپاره قبوله کړي .
تاسودغه ډالرنوشي لیکوالان ګورئ چې ددیموکراسۍ په چوپړکې یوازې کم سپکاوی اودلوستونکولخواملامتي هم په ځان نه شي منلی نوځکه په مستعارونومونولیکنې کوي اوهلته بیادشپږوزروطالبانویوځايي قرباني دآی ایس آی لپاره بولي زماباوردی چې له یوې نیمې لسیزې وروسته هم دغه ډله لیکوالانولاطالب نه ده پيژندلی اویایې نه غواړي چې وپیژني طالب ملامحمدعمردی چې  دټولې نړۍ داتوموالواوغیراتوموالو بي دینواهل  کتابواوخپلو منافقینودزورګويي په وړاندې یې سترګې برندې ساتلې اوبیابه هم جګې وي طالب طالب ملاسیف الرحمان منصورده چې په شلو لاسونویې پینټګان ته ویتنام ورپه زړه کړ    
طالب شیخ الحدیث عبدالحکیم شاولیکوټي ده چې دهدایې حاشیې اولیکلی تفسیریې په نیمايی پریښود دسرویهودواونصارووسرې مرمۍ یې په قراني سینه کې سړې کړې اوطالب ملامحمدحسین مستسعددی چې …….
راشئ زه به دهمدې پیښې  په اړوندطالب دعزم اوللهیت دګراف یو کیسه درته وکړم ملامحمداکبر چې دزابل دسیوري اوسیدونکی ده یوله هغه کسانوده چې له کندزه مزارته په کانتینروکې دطالب بندیانودانتقال په وخت یې دنوروملګروپه مرسته دکانتینر لاندینۍ دلرګې تختې ایستلې وې نوځکه ټول ترمزاره ژوندي رسیدلي وه دی وايی چې په مزارکې دری زره طالبان چې اکثره یې له مدرسوله امریکایانوسره دنوي جهادپه جذبه راغلي دسبقوطالبان وه یوې لویې چاردیوالي ته راغونډکړای شوه په دې وخت کې دوستم چې ملافاضل اخنداومولوي نورالله نوري یې له ځان سره راروان کړي وه دې غونډې ته راغی ملامحمداکبروايی چې ماته نورهیڅ شي زورنه راکاوه خودې زورراکړچې دملافاضل ځانګړي میګاروف توپانچه دوستم غاړې ته اچولې وه .
دوستم په ډیرحقارت ملافاضل ته وویل چې ملګروته دې وروستۍ خبرې وکړه بیاپه ژوندنشئ سره لیدلای .
نوموړی وايي چې ملافاضل دتوقع خلاف په ډیرجلال اوجرأت راوړاندې شولومړی یې دخدای حمداوپه نبي علیه السلام درودبیان کړاوبیایې طالبانوته خبرې پيل کړې ملافاضل په خبروکې چې شیبه په شیبه دطالبانوحوصلې ورسره لوړېدې طالبانوته یې وویل چې .ملګروداسوچ ونکړئ چې څومره لویه قرباني موورکړه اوڅنګه غداري درسر ه وشوه اوشهیدان شوئ مونږدقران دحاکمیت شعارپورته کړی اوقرا ن چې دخدای کتاب دی تردې په لویوقربانیوارزي تاسوبه په کانتینروکې شهیدان شوي یاستی دخدای دکتاب دحاکمیت لپاره پیغمبران اره شول اوصحابه کرام په تیلوکې وایشیدل …ملامحمداکبروایي چې په دې خبره دطالبانوحوصلې بیخي پورته شوې اوهرڅه ترې هیرشول په تړلیولاسونویې تکبیرونه پيل کړل کابوپینځلس دقیقې تکبیرونه اوزمزمې وې دی وايي په دې وخت کې ماپه خپلوسترګوولیدل چې دتړلیوطالبانوله هیبته دوستم اوټول وسلوال یې په خپلو ځایونوولاړ لړزیدل اورنګونه یې تښتیدلي وه .
نو عتیقه نااشنا :که مسلمان یې که نامسلمان که دیموکرات یې که بیروکرات که ملایې که امي که ملي ګرايې که اخوانی …که هرڅوک یې په خپله دې دایمان داحال ده چې دخپلې مومن به  ایډیا لپاره تبلیغ اودخپل زړه تشه خبره هم په خپل نامه نشې  کولای اودنااشناترماسک لاندې دې ځان غلی کړی خوهلته بیادپیغمبرپه وارث په هغه طالب دغلامۍ ټاپه لګوې چې ستاسوپهلوان دوستم تر ې په زولانه حالت کې لړزیږي دعراق فاتح مکرسټل اوګیټس یې ارادوته سلام کوی اومتعهداوتاعزمه جنګیالي یې بولي اوامریکایان یې دایماني هیبت له زوره دومره په ویره کې دي چې له امریکايي وچې یې باسي اودګوانتاناموزندان ورتړي .
زه وایم داعزم اوحوصله له خدايی پیرزوینې اوسوچه ایماندارۍ پرته ممکنه ده .
دپاکستان په خپله داحال دی چې ولسمشراوترټولولوی پوځي یې دیوه امریکايي ارمیتاج امرته لکۍ وهي اوخبره یې مني نوپه طالب به څه امر وچلوي .
زه په  ډاګه وایم چې طالب  یوژوندی موجود دی چې دژوندکولو لپاره بایدځمکې په یوه سطحه قرارولري که په افغانستان کې جهادکوي امریکایان یې کورته ورځي خوندې اومندې وربې پردې کوي نومجبورده چې کډه بارکړي اویوداسې ځای ته  ولاړشي چې څوک یې نه پيژني دکوراوماشومانوژوندیې په امن وي اوپرده یې خوندي وي .
داچې په میرانشاه کې د حقاني مرکزونه دي اوزرګونه وسلوال لری زه یې منم خوداقسم هم درته کوم چې حقاني دپاکستان لپاره کارنکوي اونه یې پاکستان استعمالولای شي دی دپاکستان خاوره دخپلواسلامي اوافغاني اهدافو لپاره استعمالوي دپاکستان په خاوره یې مرکزونه جوړکړیدي اوله هغه ځایه پاکستاني طالبان له پاکستان سره جنګ ته اوافغانی طالبان له امریکې سره جنګ ته  لیږي  اوپه دې موهم خبروم چې په پاکستاني پوځ اوس هغه وارتیرده چې دحقانی بیخ وباسي دوی څوځلې په وزیرستان خپل زورازمایلی خودمیرعلي په خوشالي اوخیسوره کې یې مړي سپووخوړل که یې نه منئ له بازاره یې سي ډي ګانې پیداکولای شئ .
زه افسوس کوم مکرسټل اوګیټس په دوو ورځوکې طالبان وپيژندل خوزمونږدغو لیکولانوله هم ندي پيژندلي .
دعتیق نااشنا همفکروکه موخوښه وي یانه  که یې دخدای رحمت بولئ که یې غضب بولئ طالب اوس دپښتني ټولنې دزعامت اوسرخیلۍ سټیج خپل کړی . نورنوکاروان به تیریږي اوسپي به غپیږي
خودمسلمانۍ له مخې درته وایم چې په دې بې ځایه هڅواوبې ځایه خوله اچولو هیڅ هم نشئ کولای دپښتنوقانون یوقران وه هغه اوس طالب اخیستی اوواریې ړومبی کړی که تاسوهرڅومره ګلې باغې ورته جوړې کړئ اولس یې نه درسره مني خوهمد ې فکر یوازې دا ارمغان درلورولی چې هم به په دنیاکې ترپردې لاند ې غږیږئ اوهغه لویه ورځ خولا پاته ده چې  دخدای پوښتنوته به ورځو هلته به بیانه ټول افغان وي اونه یې دبحث فورم چې له ځانه دفاع وکړو ….