په خوست کې چاودنې شپږ تنه وژلي او تر شلو یې ټپیان کړي.

دخوست دبريښنارياست ته څيرمه ددوشنبې په ماسپښين ددوبجوپه شاوخواكې دځاى پرځاي شوي ماين او د ځانمرګي برید له امله د خوست شپږ ښاریان وژل شوي او تر ۲۶ پورې ټپیان شوي دي. دخوست دعامې روغيتارياست مسئولين وايي چې ټپيان دامهال تردرملنې لاندې دي او د ټپیانو شمیره تر دې هم لوړه ده.
بل لورته ولسمشر حامد کرزي دا پېښه غندلې ، لر او بر ته په راغلې خبرپاڼه کې لیکل شوي چې پدې پېښه کې ۵ تنه وژل شوي او تر شلو ټپیان دي.
د ایساف خبرپاڼه چې د لر او بر ویبپاڼې ته رالېږل شوې پکې ویل شوي د خوست دا پېښه هم ځانمرګی وو او ځای په ځای شوي چاودیدونکي توکي.
ایساف وايي خلک په یو ځای کې را ټول شوي په موټر سایکل سپاره ځانمرګي د هغوی منځ ته ځان غورځولی او چاودنه یې کړې.