لراوبر ویب پاڼه لراوبر يو افغان – تازه خبرونه
د امريکا د دفاع وزارت په افغانستان کي خپلو مېشتو پوځيانو ته د نوي يونيفورم يا دريشيو د جوړلو پرېکړه کړې ده.
پنټاګان وايي اوس يې په افغانستان کي پوځيان له هغه يونيفورم څخه استفاده کوي چي په عراق کي د مېشتو امريکايي ځواکونو دپاره جوړ سوئ دئ.
د مليټري ټايمز راپور ورکوي چي د عراق او افغانستان اب و هوا توپير سره لري، له همدې کبله پوځيانو ته راز- راز ناروغۍ پېښي سوي او شکايتونو ډېر سوي دي.
د مليټري ټايمز د راپور له مخي د امريکا سنا مجلس دې کار ته ١٠٦ ميليارډه ډالره منظور کړه، خو پنټاګان ويلي ښايي دا پيسې يې بس نه سي.
د امريکا د دفاع وزارت وايي په افغانستان کي د مېشتو پوځيانو يونيفورم به د مرمۍ ضد يا زغره وال وي.
امريکا اوس په افغانستان کي ٥٦٠٠٠ پوځيان لري چي د روان کال تر پايه به يې شمېر ٦٨٠٠٠ تنو ته لوړ کړي.