د امريکا او ناټو د جنايتونو په هکله … د خواخوږي پيغامونه !

بسم الله الرحمن الرحیم

دامریکایانواودناټودځواکونودجنایتونوپه هکله، دګرانئ وشریفوخلکوته دخواخوږي پيغام !

دفراه ولایت دفراه رود دولسوالی دبالابلوک اودګرانئ دکلېو وشهیدانواودشهیدانووکورنېوته وړاندی کوم :

ترهرڅه نه مخکې دپاک خدای« ج » دلوی درباره نه دګران هیوادافغانستان وټولوشهیدانو اوخصوصآ ددی څوورځومخکې ستری غمیزی دنوموړوسیمووشهیدانوته دفردوس جنت هیله کوم اوپه الهی رحمتونواوانورونوباندی ټول شهیدان ځلانده اوروښانه غواړم اود الله (ج) وسپيڅلی درګاه ته دعاکوم چې ددی ستری غمیزی هغه کورنۍ چې په دی سیموکښې خپل دکورنۍ غړي ،دوستان ،خپلوان ،سپین ږیري،ځوانان ،ماشومان، ښځۍ اونارینه یې دیرغلګرواوتیری کوونکودامپریالستی امریکایي ،ایسافي اوناټویي ځواکونوپه ظالمانه،غیرانسانی اوټروریسټی بمبارډونو کې دلاس ورکړي دي ،ددوي دهریوحضور ته په ډېر درنښت سره تسلیت وړاندی کوم او ودوي ته دپاک خدای (ج) څخه صبرجمیل غواړم اوددوي دسره کفنی اوسپیڅلی شهیدانوروح دي پاک الله تل ښاد ولري ،بیاهم خدای تعالی (ج) دی ونوموړو اودجګړی ځپلی ګران هیواد ونورو بی ګناه شهیدانوته جنتونه ور په برخه کړی اوددوي دښمنان دی خصوصآدغه پردي امپریالستی امریکایي ،ایسافي اوناټویي یرغلګرځواکونه دی،پاک خدای (ج) په خپلوقدرتونوسره دی د ماتی اومخ توری سره مخامخ کړی ، اوابدی دی وشرموي ،زه په ښکاره اوبربنډه ټوګه اوپه ټینګه سره وایم چې داظالمان ،دایرغلګراووحشتګرځواکونه په خپله ټروریسټان دی ،هره ورځ غیروسلوال اوبی ګناه افغانان وژنی ، بی ځایه اوبی موخی بمبارډونه اوعملیاتونه ترسره کوي ،بی ګناه خلک راکشوی اوپه خپلوجیلونوکښې یې ساتی ظلمونه پرباندی کوي اوزموږدهیواد خوار،غریب ،مظلوم اومسلمان اولسونه هره ورځ وژنی اوشهیدان کوي اوبیا وایی چې تیروتنه سوي دی ،نوزما په هاند ټروریسټان همدغه په خپله یرغلګراوښکیلاکګرځواکونه دي چې دخپلوژئوپلټیکواوژئواستراتژیکوګټواوموخودپاره زموږهیوادیې ترخپل ښکیلاک لاندی راوستیدی .

زه دخپلوپتمنوهیواد والواووطندارانوپه دی سترغم کې ځان شریک بولم اوبیا هم وپاک خدای (ج) ته دعااوزاری کوم چې ددی ستری غمیزی دشهیدانوارواح دی تل ښاد ولري اوددی بی ګناه شهیدانووهری کورنۍ اودشهیدانووخپلوانوته دصبر،حوصله اوزغم هیله کوم اوبیا هم وپاک خدای (ج) ته خواست کوم چې پاک خدای (ج) دی پر دی مظلوم ،خوار او جګړه ځپلی مسلمان اولس باندی ورحمیږی اویرغلګراوښکیلاکګرامپریالستی امریکایي ،ایسافي اوناټویي ځواکونه دی ناکامه اودپریکړنده ماتی سره مخامخ کړي .

 امین یا رب العلمین ،ومن التوفیق

 په درنښت : عزیزاحمد خوارمل

دبلابلوک دګرانی دکلي وشهیدانوته !

خــدایه! زما پرخوار اولس داڅونی جوراوجفاده

شیطانی وریځی راغلي دسرواوښکواوس ژړاده

هـره خـــواته دمــرګونواوجـــنازي دي اوس ږغونه

په هــرکـور،کلـی هـــربڼ کې جـوړه ستره واویلاده

کـــرګـــسانــــــودغمـــونـــو وزرونــه دي خـــلاص کړی

بی وجدانه دولت رډګوري جوړپرخاوره یې کربلا ده

اوره وي دجـــنایت بم ،زمــوږپـرکلــي پـــرکـــورونـــو

پښتنی سیموته ګــــوري ،هـــــرځای یې ماتم سرا ده

امــــریکا،ناټــــوځـــواکــونه ، کـــوي ډېرجــــنایتونه

زما پـــرخـــــلکـــوداغمیزه دتــــورمخ غلیم له خوا ده

دغاصب دښمن په لاس زاړاوځوان په وینوډوب سو

تربی پته ژوند مــړ ښـــه یم دامې هوډ دامې غوغا ده

دګــرانئ دخـلکـو ویــر دځـان ویــر بــــولم «عــزیــزه »

مـرده بـاد دښمـن ته وایـم،خپل شهیدته مې دعا ده

تيره ورځ په کابل کې دامريکايي ځواکونولخوا په فراه ولايت کې دنيږدي ١٧٠ تنو بي ګناه افغانانودوژلو په غبرګون کې دکابل پوهنتون ،دپل تکنيک پوهنتون اودطب پوهنتون نيږدي ٢٠٠٠ محصلينو لاريون وکړ او ددغه لاريون په ترڅ کې يې دامريکايانو ضد شعارونه ورکړل اوهم يي دامريکايانو دمحاکمه کيدو غوښتنه وکړه .

لاريون کوونکيو ويل چې د١٧٠ تنو څخه زيات افغانان وژل شوي چې بايد قاتلين يي محاکمه کړل شي .