لراوبر ویب پاڼه لراوبر يو افغان – تازه خبرونه
د افغانستان د انتخاباتو كمېسون د جمهوري رياست د ټاكنو په اړه د ولسمشر حامد كرزي د وروستي فرمان پلي كېدل ناممكنه وباله.
د چين د زيهنووا آژانس خبر وركوي، چي د انتخاباتو كمېسون د ښاغلي كرزي هغه فرمان د يو لړ ستونزو له امله رد كړ، چي ويل يې انتخابات دي د ثور په مياشت كي ترسره سي.
د انتخاباتو خپلواك كمېسون د جنوري په مياشت كي د جمهوري رياست ټاكني د امنيتي او اقتصادي ستونزو له كبله د ۱۳۸۸ كال د ثور له مياشتي څخه د ۱۳۸۸ كال د اسد ۲۹ – مې نېټې ته ځنډولي وې، چي په پيل كي ولسمشر كرزي د كمېسون د پرېكړي هركلى وكړ، خو وروسته يې مخالف سو.
د كرزي مخالفي ټلوالي له نوموړي څخه د انتخاباتو د ځنډ په صورت كي د استعفا او يوه انتقالي حكومت د جوړېدو غوښتنه كوله، خو ولسمشر كرزي نه غوښتل چي استعفا وكړي او په دې هڅه كي سو چي انتخابات بيرته پر خپل وخت ترسره كړي.