لراوبر ویب پاڼه لراوبر يو افغان – تازه خبرونه
د پاكستان پوځي مقامات وايي د باجوړ طالبان يې په وروستيو عملياتو كي سخت ځپلي دي.
پاكستاني مقامات وروسته له هغه د پښتونخوا ايالت په قبايلي سيمه باجوړ كي د برياليتوب اعلان كوي، چي تېره اونۍ څلور ورځنى اوربند پكښي اعلان سوى وو.
د پاكستان د پوځ يوه وياند جنرال اطهر عباس اسوشيېټيډ پريس آژانس ته ويلي چي د باجوړ په مومند سيمه كي يې ګڼ شمېر وسله وال نيول چي ازبك او چيچين جنګيالي هم پكښي شامل دي.
د پوځي مقاماتو په وينا د باجوړ په شاوخوا سيمو كي اوس هم د دوى عمليات روان دي او له وسله والو جنګياليو څخه يې د هغوى غټ مركزونه ټول نيولي دي.