تازه خبر: طالبانو پوځي چارواكى خوشي كړ

له پښتونخوا ايالت څخه لر او بر ويبپاڼي ته رسېدلي خبرونه وايي، د سوات ولسوالۍ د مينګوري پوځي مشر خوشحال خان چي د ځايي طالبانو له خوا نيول سوى وو، تر يوې شپې بند وروسته خوشي سو.
نوموړى پرون له خپلو شپږو ملګرو سره له ځايي طالبانو سره تر اوربند وروسته مينګوري ته تلئ، چي دى او ملګري يې د طالبانو له خوا پر يوه نامعلوم لوري وتښتول سول.
د ځايي طالبانو وياند مسلم خان د هغه نيول منلي وه، خو ويل يې هغه د دوى بندي نه، بلكي مېلمه دئ، چي تر يو لړ خبرو وروسته به يې خوشي كړي.