لراوبر ویب پاڼه لراوبر يو افغان – تازه خبرونه
د کونړ مرکز اسعداباد ته څېرمه د اندر شېر په سيمه کې د ګازو د ډبې د چاودېدو له امله د يوې کورنۍ يوه ماشومه مړه شوې او ۹ تنه نور سوځيدلي دي. د کونړ د والي وياند ادريس غروال وايي پېښه په کاله کې د بې احتیاطۍ له امله رامنځته شوې ده. غروال وايي چې په کونړ کې د سوځېدلو ټپيانو درملنه ناشونې وه او دوی ټپيان د ننګرهار روغتون ته ولېږدول. د ننګرهار د عامې روغتیا مرستيال ډاکټر بازمحمد وويل چې د ټولو ټپيانو روغتيايي حالت د اندېښې وړ دی او دوی د ښې درملنې لپاره ګاونډي هېواد پاکستان ته واستول.