لراوبر ویب پاڼه لراوبر يو افغان – تازه خبرونه
کابل ، د سلواغې ٤مه،
د ٢٠١٢ زيږديزکال د کرکټ د نړيوال جام د تياريو په لړ کې افغانستان تېره شپه په ارجنټاين کې د کيمان جزايرو لوبـډلې ته په يوه دوستانه سيالۍ کې ماتې ورکړه .
د کرکټ ملي لوبډله دا مهال په ارجنټاين کې د ٢٠١٢ زيږديزکال د کرکټ د نړيوال جام د غوراوي ددرېيم پړاو په سياليو کې د ګډون په موخه ددغه هېواد پلازمينه بيونس ايرس کې ده .
ملي لوبډلې پرون دامريکا د کيمان جزايرو له لوبډلې سره يوه دوستانه لوبه وکړه .
دکرکټ ملي لوبـډلې لوبډله لوبه يا بيټنګ وکړ او په ټاکل شويو ٥٠ اورونو کې د اوه تنو لوبغاړو په سوځېدو ٢٧٦ منډې جوړې کړې .
د افغانستان له لوري رييس احمدزي او محمد نبي تر ټولو زياتې پنځوس، پنځوس منډې جوړې کړې .
د ملي لوبـډلې د تکړه او تېز توپ اچوونکي ( بالر) حميد حسن د ښې توپ اچونې له امله سيالۍ لوبډله په يواځې په ١٧١ منډو وسوځولېدله .
حميد حسن د مخالف لوري درې لوبغاړي وسوځاوه.
د ارجنټاين په سياليو کې د افغانستان په ګډون شپږ هېوادونه، هانګ کانګ، يوګنډا، ارجنټاين، پي اين جي، او جزاير کيمان برخه لري .
د ارجنټاين سيالۍ سبا د سلواغې په پنځمه ( د جنورۍ ٢٤مه) پيل او افغانستان خپله لومړۍ سيالي په همدې ورځ له يوګنډا سره کوي .
ديادونې وړده چې دافغانستان دکرکټ ملي لوبډله د غوراوي په پنځم او څلورم پړاو کې اتلولي ترلاسه او درېيم پړاو ته يې لاره موندلې وه.
که افغانستان د درېيم پړاو پاى لوبې ته لاره پيدا کړي، د غوراوي لومړۍ پړاو ته لاره پيدا کوي، چېرته به چې ١٢ هېوادونه ګډون کړي او له دغو ١٢ هېوادونو څخه به څلور هېوادونه د ٢٠١١ زيږديز کال په نړيوال جام کې ګډون کوي .
جاوېد هميم کاکړ
دافغانستان دکرکټ بورډ وياند
٠٧٠٠٢٦٦٦٢٧