لراوبر ویب پاڼه لراوبر يو افغان – تازه خبرونه
دامريكا د نوي ولسمشر د كابينې له اړخه له پاكستان سره غيرپوځي مرسته مشروطه سوېده
دمتحده ايالاتو د نوي ولسمشر باراك حسېن اوباما د كابينې له اړخه د دغه هيواد د بهرنۍ تګلاري د كړو وړو د څرګندولو پر مهال ويل سوي دي چي دمتحده ايالاتو له خوا څخه له پاكستان سره كېدونكې غيرپوځي مرسته به د پاكستان او افغانستان پر ګډه پوله ( كرښه ) د ښوحالاتو په شتون پوري تړلې وي .
په دې خبر كي دا هم ويل سوي دي چي ولسمشر بارام حسېن اوبامااو د هغه نائب جوزف بائيډن به په پاكستان او افغانستان كي دالقاعده او طالبانو د بيا راپورته كېدو له لوي خطر څخه د ژغورنې په خاطر پر تګلاره او وسائلو له سره غور كوي .
خبرزياتوي چي د باراك حسېن اوباما كابينه به په افغانستان كي د امريكايي پوځ په تعداد كې اضافه كوي او د نېټو له ملګرو هيوادونو څخه به هم د خپلو پوځونو په شمېر كي د زياتوب غوښتنه كوي .
خبر وايي چي د افغانستان د اقتصادي پر مختګ دپاره به لا نور وسائل په كاراچول كيږي .