لندن ته تلونکي افغان کډوال په فرانسه کې له ستونزو سره مخ دي

پېښور: هغه افغان کډوال، چې له ډېرې مودې راهيسې د فرانسې او لندن په پوله پراته دي د يو لړ ستونزو سره مخامخ دي ، د راپور له مخې دغه کډوال، چې د يو لړ ستونزو له لامله غواړي ، چې بهرنيو هېوادونو ته د سياسي پنا غوښتنې له پاره ورشي له ډېرې ستونزو سر ټکوي.
يو تن افغان کډوال رفيع الله څرگنده کړې، چې مونږ د فرانسې او لندن په پوله له دوه مياشتو را په دې خوا پراته يو غواړو، چې لندن ته واوړو، خو څو ځل د لندن له پولې نه بېرته راستانه شوي يو، مونږ نږدې ٣٠٠ افغانان يو، چې په يو ځنگل کې پراته يو ډير ملگري مو د يخنۍ له لامله په يو شمېر ناروغيو اخته شوي دي.
مونږ له بشري حقوقو له نړيوال سازمان څخه غواړو، چې په دې اړه مونږ سره مرسته وکړي.