غزل

  مالپې لپې زهر وخوړل دستا په خاطر
  ته وايې ګله ! ځان دوواژه دچا په خاطر

  پخواخو دا لارې ازغنې وې زمونږ ترمخه
اوس مو په ګلو باندې فرش کړې داشنا په خاطر

مونږه دسولې په نيت راوستو په جنګ واوښتو
بې حده زياته وينه توی شوه د پاچا په خاطر

اوهسې نه په خوب ويده ماشومان بيا وداړي.
مونږه تيرې تورې ساتلي دبلا په خاطر

تا ايله دومره قدرې ونه کړل چې ومې پوښتې .
(نوراني) هرڅه وبايلل ديوې موسکا په خاطر

8-1-2009