لراوبر ویب پاڼه لراوبر يو افغان – تازه خبرونه
د هندد ممبۍ په ښار كي د سويو بريدونو تر شا د ولاړو پاكستانيو په اړوند شواهد پاكستان ته وړاندي كړل سو
د هند د بهرنيو چارو وزير پرناب مكهرجي په نوي ډلي كي و خبريالانو ته ويلي چي دوي دممبۍ په ښار كي په ترسره سويو بريدونوكي د لاس لرونكو پاكستاني وګړو په اړه شواهد پاكستاني دولت ته سپارلي دي . او د هغه په وينااوس نو په كار دا ده چي پر عملي ګامونه پورته كړل سي .
هغه زياته كړې چي دا شواهد د اجمل قصاب له خوا د جرم پر اقرار راڅرخي او ورسره دممبۍ په بريدونو كي د لاس لرونكو نورو پاكستانيو لړليك هم تړلى دى .
نوموړي ويلي چي دغه شواهد يې نورو هيوادونو ته هم سپارلي او د هغه په وينا د ممبۍ په ښار كي چې څه وسو هغه د بخښلو نه دي .
له بل پلوه د پاكستان د بهرنيو چارو د وزارت له خوا د دې خبر پخلى سوى او ويل سوي دي چي دغه شواهد اسلام اباد ترلاسه كړي دي او اړوند كسان به يې جاج اخلي .