د لیک لوست ژبه

د غږ د ژبې نه ، د لیک ژبه پخه ده
د لیکوالانو د خولی وتی دا قیصه ده

چا چې لیکلي کتابونه ، ژوندي به وي
د ولس زړه کې به تل پاتی ، خوندي به وي

دا ئې خپل قام ته پریښودلی خزانه ده
د لیکوالانو د خولی وتی دا قیصه ده

لیک دی ژوندی ساتي دونیا کې ، ژوندی به ئې

تاریخ به ویاړی په تا ګوره هر ځای به ئې

معنوی پانکه ده چې قام سره پرته ده
د لیکوالانو د خولی وتی دا قیصه ده

څوک چې د لیک په ژبه قام ته ، خدمت کوی
د خپل وطن په خاوره ، هر وخت غیرت کوی

دا د مشرانو د غیرت یوه شمله ده
د لیکوالانو د خولی وتی دا قیصه ده

قلمه ویښ شه، زر پاڅه ! رنګونه جوړ کړه
زما د ګوتو په زرو ته ، لفظونه جوړ کړه

ستا د رنګونو جوړه دلته ننداره ده
د لیکوالانو د خولی وتی دا قیصه ده

رنګونه ټول خو کړه راټول ، ښکلا جوړه کړه
لفظونه جمعه کړه په تول ، رڼا جوړه کړه

په مینه ګوره ، د پښتو تله درنه ده
د لیکوالانو د خولی وتی دا قیصه ده

جوړه د مینی یو نغمه ده ، غوږ شه ورته
په مینه دا دونیا درنه ده ، برګ (۱) شه ورته

د نسیم ستوري د لیک لوست ژبه خوږه ده
د لیکوالانو د خولی وتی دا قیصه ده

۱ ) په زېر کتل، نیغ کتل، مخامخ کتل