لراوبر ویب پاڼه لراوبر يو افغان – تازه خبرونه
تيره شپه په اتو بجو دننګرهار ولايت په چپرهار ولسوالۍ کې يو تن جاسوس جلات دزرين زوی امريکايانو ته د جاسوسۍ په تور ووژل سو، دا خبره د توره بوړه جهادي محاذپه نوم د يوې نوي وسله والي ډلي وياند قارس سجاد نن لراوبر ته وکړه ، دتوره بوړه جهادي محاذوياند وايي چي دا کار يې ديو شمير ثبوتونو څخه وروسته دشرعي محکمي سره سم ترسره کړ ، خو دا يې ونه ويل چي دا محکمه کله او چيري ترسره شوه ، قاري سجاد وايي نوموړی کس يې د ننګرهار د چپرهار په ولسوالي کي په ډزو وويشته او څای پر څای يې وواژه .
ذبيح الله مجاهد هم په دې اړه خبر خپور کړی او وايي چي ياد سوی تن ددوی له خوا ووژل سو، مجاهدوايي نوموړی ځه موده مخکي ددوی په وينا د استخباراتي تعليم لپاره امريکا ته استولی سوﺉ و ، ځکه يې د وژلو حکم صادر او ووژل شو .
نوموړې ډلي په دې وروستيو کي ددولت او بهرنيو قواوو پر ضد وسله وال بريدونه پيل کړي ، ددې ډلي وياند وايي چي دوی د اسلامي امارت د طالبانو سره په ګډه عمليات ترسره کوي خوقاري يوسف تر اوسه ددوی په اړه په رسمي ډول څه نه دي ويلي .