لراوبر ویب پاڼه لراوبر يو افغان – تازه خبرونه
د خيبر پښتونخوا په نوښار کي نن سهار د ګيس پيپ د چاودني له کبله د يوې کورنۍ اووه کسان مړه سوي دي.
راپورونه وايي، چي نن سهار د نوښار په امان ګړ سيمه کي يوې کورنۍ د سهار ناشتې لپاره ګيس لګولی وو، چي د پيپ د ليکېدلو پر مهال ورباندي چاودېدلی دی.
په دغه پېښه کي د همدې کورنۍ اووه کسانو خپل ژوند له لاسه ورکړی دی.
د ژمي په موسم کي د سون توکو د کارولو پر مهال د بې احتياطۍ له امله ډېری کسان خپل ژوند له لاسه ورکوي.
کارپوهان دا توصيه کوي، چي د سون توکو د استعمال پر مهال له ډېر احتياط څخه کار واخستل سي .