لراوبر ویب پاڼه لراوبر يو افغان – تازه خبرونه
تېره ورځ په اسلام اباد کي د پريس کلب مخي ده ګڼ شمير ژورناليستان راټول سوي وه او د رياست لخوا د کنفرانس د بيندېدلو غندنه يې کول.
پرون په اسلام اباد پريس کلب کي د ژورناليستانو يو کنفرانس وو او دغه کنفرانس ته د پښتون ژغورني غورځنګ مشر منظور پښتين هم رابلل سوی وو، چي د رياست لخوا پريس کنفرانس باندي بنديز ولګېدی.
د ښځو د حقونو د تنظيم مشره او د پي ټي اېم فعاله عصمت شاه جهان وايي، هره شنبې ورځ دلته په پريس کلب کي د مشرانو ژورناليستانو ناسته کېږي او د پرون ورځي ناستي ته منظور پښتين هم رابلل سوی وو، خو د نامالومو دلائلو له امله دا غونډه لغوه سوه.
شاه جهان وايي: “د پروګرام دپېل څخه يو ساعت وړاندې ورته د لايبريرۍ مشر جميل وويل چي د پرېس کلب سيکرټري انور رضا لايبريري وتړله”.
شاه جهان وايي: ” دا ناسته د منظور پښتين په خاطر نه ده پرېښودل سوې او لايبريري تړل سوې ده”.
د پاکستاني رياست پر دغه مغرضانه چلند باندي د خواله رسنيو ګڼ شمېر فعالانو نيوکي کړي او دا يې د بيان د ازادۍ پر وړاندي د ترهرګر رياست د هڅو يوه لړۍ بللې ده.