لراوبر ویب پاڼه لراوبر يو افغان – تازه خبرونه
د امريكا د اركانزاس ایالت د ډيموکراټ ګوند رئيس د يوه ناپيژندل سوي چا لخوا په مرميو و وژل سو . دهغه وژنه د بارک اوباما د ترور د احتمال آوازه هم زياته کړېده .
خبري رسنيو خبر ورکړ چي «بيل گواټني» دامريکا د اركانزاس په ایالت کي دډيموکراټ ګوند رئیس وو چي د «هيلاري كلينټن» د انتخاباتي مبارزو په دوران کي د هغې د اصلي ملاتړکوونکو څخه شمېرل کېده او پخپله د بیل کلنټن د نيژدې دوستانو څخه وو .
نوموړي د خپل کار په دفتر کي د هغه چا لخوا په دريو مرميو و وژل سو چي دهغه سره يې د ليدو غوښتنه درلوده .
ددغه خبرپر اساس د نوموړي ترور په داسي وخت کي تر سره شو چي د امريکا د جمهوري رياست انتخاباتي تبليغاتو زور اخيستی او دا و بارک اوباما ته هم د خطر زنګ ګڼل کېدای شي .
لا مخکي هم د هيلاري کلنټن او اوباما د انتخاباتي سياليو په دوران کي د باما د ترور آوازې خورې وې ،خو اوس ددغه ترور سره دغه شاني آوازې نوري هم تودې شوي دي .