لراوبر ویب پاڼه لراوبر يو افغان – تازه خبرونه
په کشمير کي دهندي او پاکستاني پوځيانو ترمنځ د ډزو په تبادله کي څلور ملکي وګړي وژل سوي دي.
پاکستان وايي، چي پر کنټرول کرښه د هند پوځيانو پر پاکستاني لوري ډزي وکړې چي په نتيجه کي ئې د دوو ماشومانو په ګډون درې ملکي وګړي وژلي دي.
پاکستان وايي، په اسلام اباد کي به د هند سفارت ته ددغه بريد په هکله احتجاج وکړي.
خو د هند د پوځ وياند د وندر انند وايي، چي د پاکستاني لوري څخه د هند تر ولکې لاندي کشمیرباندی د توپونو ډزي سوي او يوه مېرمن ئې وژلې ده.
هندي چارواکي وايي، چي د پاکستاني بريدونو په پايله کي ګڼ شمير څاروي هم وژل سوي دي.
د هند او پاکستان ترمنځ د کشمیر پر سر شخړه ډېره پخوانۍ ده، خو دا کړکېچ وروسته له هغه نور هم ترېنګلی سو چي کله د روان ۲۰۱۹ کال په می مياشت کي هند د کشمير نيمه خپلواک حيثيت ختم کړ.