لراوبر ویب پاڼه لراوبر يو افغان – تازه خبرونه
د ملي امنيت رياست وايي چي دوې اونۍ وړاندي ئې د هلمند په موسا کلا ولسوالي کي د القاعدې ډلې يو مشر عاصم عمر وژلی دی.
د ملي امنيت رياست څخه په خپره سوې خبرپاڼه کي ويل سوي چي عاصم عمر د هند نيمه لويي وچي لپاره د القاعدې ډلي مشر وو او د هغه بمبار په نتيجه کي ووژل سو چي دوې اونۍ وړاني ئې د هملند په موسا کلا ولسوالي کي وکړ.
خو ځايي خلګ وايي، چي په موسا کلا کي دوې اونۍ وړاندي الوتکو د واده پر مراسمو بمبار وکړ، چي ګڼ ملکي کسان ئې ووژل.
افغان حکومت هغه مهال هم ويلي وه، چي په دغه عملياتو کي ئې د القاعدې شبکې څو مهم قومندانان وژلي دي او د ملکي کسانو د مرګژوبلي خبرونه ئې هم منلي وه.
طالبان د افغان حکومت د وروستۍ ادعا په غبرګون کي وايي، چي په موسا کلا کي د القاعدې شبکې هيڅ غړی نه دی وژل سوی، بلکي يواځي هغه ملکي کسان وژل سوي چي د واده په مراسمو کي ئې ګډون کړی وو.