لراوبر ویب پاڼه لراوبر يو افغان – تازه خبرونه
په قامي اسمبلۍ کي د وزيرستان د خلګو استازی او د پي ټي ايم يو مخکښ محسن داوړ وايي، چي په زندان کي ددوی سره تر ټولو زيات تشدد کيدی او همدوی هلته د هر ډول اسانتياوو څخه بې برخي وو.
محسن داوړ او علي وزير دوې ورځي وړاندي د هريپور زندان څخه د ضمانت په توګه خوشي سول.
داوړ او وزير د مي مياشتي د ۲۶ نېټې د خړ کمر له پېښي وروسته د پوځ او رياست لخوا ونيول سوه او د ترهګرۍ په ملاتړ زندان ته ولېږدول سوه، خو پر هغوی د پوځ او رياست لخوا لګول سوی هيڅ يو تور ثابت نه سو.
محسن داوړ په خپل يو تازه ټويټ کي ويلي چي “د مې د میاشتې نه تر ستمبر پورې اول د پېښور په زندان او بيا د هري پور په زندان کي ساتل سوي او په دې وخت کي رياست په دوي نور فشار سېوا کړی او په هري پور زندا ن کي يې د ترهګرو په چکۍ کي بند کړي وو”.
From May to Sep we were kept first at Peshawar jail & then at Haripur. During this transition the State decided to further increase its pressure as in Haripur we were kept in cells marked for terrorists. There was no mobility in jail, we had no access to news & other facilities-2
— Mohsin Dawar (@mjdawar) September 21, 2019
ښاغلی داوړ وايي، چي دوی ته په زندان کی هيڅ ډول اسانتياوي نه وې، موبايل نه وو، د خلګو سره د خبرو کولو اجازه ورته نه وه او د يو غټ ترهګر په ډول ساتل کيده.
نوموړي ويلي “د تشدد تور پرې لګول سوی کوم چي د دوي دپاره تر ټولو زیات دردونکی وو، ځکه چي دوي د عدم تشدد پېروان دي. خو دوي د خپل هدف څخه نه دي په شا کړی سوي کوم چي د امن او خلکو د برابرۍ د حقونو هدف دی او لار يې پسې د عدم تشدد خپله کړې ده”.
ښاغلي داوړ د خړ کمر پېښي ته په اشارې سره ويلي: “د خړکمر د قتل عام پېښه به په تاريخ کي په پرامنه مظاهره چيانو د ریاستي ظلم يو مثال وي”.
Salam
We are back wd same zeal & enthusiasm, tragedy of #KharQamarMassacre will be known in history as example of a State's brutal response to peaceful protest. In its aftermath, this State piled up even more violations of human rights & decency in its treatment of Ali & myself-1— Mohsin Dawar (@mjdawar) September 21, 2019
نوموړی وايي، د دغه پېښې وروسته ریاست د بشري حقونو سرغړونې نورې زياتې کړي دي.
د مي مياشتي پر ۲۶ نېټه پاکستاني پوځ د پي ټي ايم پر کاروان په خړ کمر سيمه کي بريد وکړ چي ۱۶ کسان ئې شهيدان او تر ۳۰ زيات نور ئې ژوبل کړل.
ښاغلی محسن وايي، دوی د خپلو خلګو د حقونو لپاره سر ورکولو ته هم تيار دی، زندان خو لا وړه خبره ده.
ښاغلي داوړ د ټولو هغه کسانو څخه مننه وکړه، چي ددوی په راخوشي کولو کي ئې کوښښ کړی دی.