غزل

د عبدالله الهام جمالزي راليږنه

  صوفي شاعر  ارواښاد رحمان بابا

چې له تاسره په سر کاندي سودا
بل به نه وي هسې ما غوندې شيدا

نه به ما غوندې شيدا وي په جهان کې 
نه به تا غوندې دلبر شي بل پيدا

بې دا ستا له مخه کون دی که مکان دی  
ښه توښه مې نه په دا شي نه په دا

لکه وروستو مقديان وړاندې امام وي
ما په تا پسې ده کړې اقتدا

زه يو نه يم درست جهان په تا مين دی
که بادشاه دی ددې دهر که ګدا

زه په تا باندې مين يم له ازله
نه چې کړې مې نن ورځ ده ابتدا

چې دا ستا د عاشقۍ په تيغ شهيد شم
   د ” رحمان ” غاړه به هله شي ادا