لراوبر ویب پاڼه لراوبر يو افغان – تازه خبرونه
اسرائيلی پوځ وايي چي تېره شپه ئې په سوريه کي د ايراني مليشو پر ځينو مرکزونو بريدونه کړي دي او د هغوی د وسلو زيرمتونونه ئې له منځه وړي دي.
د پوځ په وينا، دا بريدونه تېره شپه د دمشق ښار جنوبي څنډو کي سوي او د (قدس سپاهيان) ډلي غړي پکي په نښه سوي دي.
د اسرائيلو لومړی وزير بنيامين نيتنياهو وايي: “ ايران به هيڅ ځای خوندي پاتي نه سي، موږ د اسرائيلو د امنيت او خونديتوب لپاره هرډول لازم ګام اوچتولو ته تيار يو”.
د سوريې خبري اژانس (سانا) وايي، چي تېره شپه ئې د اسرائلو له خوا توغول سوي ډيري توغوندۍ په هوا کي شنډي کړي دي.
خو د اسراییلي پوځ په وینا، جنګي الوتکو یې “د دمشق سوېل ختیځه عقربه سیمه کي ګڼ ترهګریز اهداف په نښه کړي دي.”
اسرائيل وايي، چي په سوريه کی به د ايران د نفوذ مخه نيسي.