لراوبر ویب پاڼه لراوبر يو افغان – تازه خبرونه
څرنګ له خبرو چي خبرې پيداکيږي
مينه کې هم لوړې او ژورې پيداکيږي
مه بوله زړګئ مې ګنهګارديوڅه حق لري
زړونه چې به مينه شي سندرې پيداکيږي
نشته هيڅ مزه مې نن دغر او نه د کلي
نه پکې چنارنه هم نښترې پيداکيږي
ټيټ وڅوک راغلى وپرلوړو مسخرې کا
باز يې ښکاروې که و کوترې پيداکيږي
هرژوندى زوال لري او هر زوال يوه نښه
ميږى چې شي بدبخت نو يې وزرې پيداکيږي
ماچې پرې حساب کړ هغه نن مې دحساب سړى
شاته يې څوک شته چې ترې لښکرې پيداکيږي
مه تنګوه زړه \” ګل شاه \”دژوند همدغه کار دى
خير! ژوندکې کله کله کيسې سترې پيداکيږي
