لراوبر ویب پاڼه لراوبر يو افغان – تازه خبرونه
( پښتو او د ژباړې اړتيا سيمينار ) چې د جمعې په ورځ کابل کې د افغان کلتوري ټولنو جرګې او پښتو نړيوالې مرکې له خوا جوړ شوی و، د همدې جرګې له خوا د سيمينار په ترڅ کې د افغاني فرهنګ دوه خادمانو ته د سرو زرو مډالونه ورکړل شول.
لومړی د مشهور ناورويژي پښتوپوه ګيورګ مورګنسترن په نامه ( دافغان کلتور ژباړن ) د سرو زرو مډال د استاد نصرالله حافظ په لاس نوميالۍ افغانستان پېژندونکې ( نانسي دوپري ) ته ، چې نړيوالوته د افغان ولس ، کلتور او تاريخ په ورپېژندلو کې يې د قدر وړ هلې ځلې او څېړنې کړي ، ورکړل شو ، دويم د لومړني( معلوم ) پښتون ژباړن ابومحمد هاشم سرواني په نامه د ( غوره ژباړن )د سرو زرو مډال د سعودي عربستان دسفارت مشاور په لاس ښاغلي محمدزبير شفيقي ته ، چې تر دېرشو زيات آثار يې پښتو ته ژباړلي ، ورکړ شو.
همدارنګه دعربستان سعودي سفارت ښاغلي زبير شفيقي ته د قران پاك يو ځانګړى قيمتي سيټ ډالۍ كړ.
د يادونې وړ ده ، چې افغان کلتوري ټولنو جرګه به هر کال د افغان فرهنګ دوه غوره خادمانو ته د سرو زروياد شوي مډالونه ډالۍ کوي .