لراوبر ویب پاڼه لراوبر يو افغان – تازه خبرونه
د پښتون ژغورني غورځنګ فعاله او د بشري حقونو مدافع ثنا اعجاز وايي، چي د کشمير موضوع د کشمير يانو پوري اړه لري او پښتانه دي په دې موضوع کي ځان نه ښکېلوي.
آغلي اعجاز پر خپل ټويټرپاڼه ليکلي دي، چي دلته د پښتنو په کور کي اور بل دی، پښتانه دي لومړی د ځان غم وکړي او دا اور دي مړ کړي.
اعجاز وايي، چي کشمريانو په ټول وخت کي د پښتنو لپاره جهاد خو څه چي يو احتجاج ئې هم ونه کړ، نو پښتانه څه له د بل په جنجالونو کي ځان ښکېلوي.
کشمير د کشمیريانو دې. نه د پاکستان دې نه د هند. او پښتانه دې اول د ځان غم اوکي. ځکه ما کشمیريان د پښتنو دپاره جهاد خو پرېږده په احتجاج هم نه دي ليدلي. نه ورته پته شته چې وزيرستان، سوات او ټول پښتونخوا وطن کښې څه څه ظلمونه او شول.
— Sanna Ejaz(سیاله) (@sanaejaz2) August 7, 2019
په محکوم وطن کي د پاکستاني پوځ لخوا په لسګونو زره پښتانه وژل سوي او په زرګونو اوس هم لادرکه دي، چي د پاکستان استخباراتي ادارو د ځان سره بېولي دي.
د کشمير پر سر د هند او پاکستان ترمنځ ترېنګلتيا وروسته له هغه زور واخيست چي درې ورځي وړاندي هند د کشمير ځانګړی حيثيت لغوه کړی او کشمير ئې د قانوني او جغرافيوي اصولو له مخي د هند برخه وګرځول.