لراوبر ویب پاڼه لراوبر يو افغان – تازه خبرونه
تېره ورځ په کوهستان کي د پاکستاني پوځيانو يو ګاډۍ سيند لوېدلی او د يو پوځي افسر په ګډون پنځه سرتېري هلاک سوي دي.
پېښه پرون هغه مهال رامنځ ته سوه، چي کله د پاکستاني پوځيانو کاروان ګلګيت ته پرلاره وو او د هغوی يو ګاډۍ سيند ته ولوېدی.
دا په دوو اونيو کي د پاکستاني پوځيانو د وژني څلورمه پېښه ده چي پکي درنه مرګژوبله ور اوړي.
دوې ورځي وړاندي په شمالي وزيرستان کي د پوځ پر يوه پوسته د وسلوالو په بريد کي تر لسو زيات پاکستاني پوځيان هلاک سول او له دې وړاندي په بلوچستان کي هم د بلوڅانو په ډزو پنځه پوځيان ووژل سول او ګڼ شمېر نور ژوبل سول.