لراوبر ویب پاڼه لراوبر يو افغان – تازه خبرونه
د خوست ولايت د مرافعې محمكمې رئيس ووژل شو
نن ورځ وروسته له غرمې د دوو بجو په شاوخوا د خوست ښار په شپږكيلوميترۍ كې د مرافعې محكمې رئيس شيرګل د نامالومو كسانو لخوا د ټوپك په ډزو سره ووژل شو.
د خوست د والي وياند خيبر پښتون د نوموړي وژنه تائيد كړه او وويل چې په سيمه كې د ملي امنيت او جنايي پوليسو لخوا پلټنې روانې دي خو په اړه يې څوك نه دي نيول شوي.
بلخوا د طالبانو وياند ذبيح الله مجاهد د نوموړي د وژنې پړه په غاړه واخيسته او زياته يې كړه چې نوموړي ځينو سياسي بنديانو ته د مرګ سزا اورولې وه.