لراوبر ویب پاڼه لراوبر يو افغان – تازه خبرونه
د کندهار په سپين بولدک ولسوالي کي د ملکي وګړو په ګڼه ګوڼه کي چاودنه سوې چي ۳ تنه ئې شهيدان کړي او ۲۳ تنه نور ئې ژوبل کړي دي.
دغه پېښه نن سهار نهه بجې د سپين بولدک د ګنج بازار سيمه کي سوې ده.
د کندهار امنیه قوماندان مل پاسوال تادین خان د «زمري میاشتې پر۸مه»اشنا راډیو ته وويل، چاودنه هغه مهال وسول کله چي عام خلګ د څارویو په ګنج کي په پېر او پلور باندې بوخت و.
ده زیاته کړه چي په پېښه کي د یوه ماسوم په ګډون ۳ تنه وژل سوي او ۲۳ تنه نور ټپیان دي.
تادین خان وويل:”د پېښي ټول قربانیان ملکي وګړي دي چي ټپیان د سپین بولدک پنځوس بستریزه روغتون ته انتقال سوي دي.”
د سپین بولدک د روغتون ډاکټران وايې چي له پېښې په ور وړل سویو ۲۳ تنو ټپیانو کي د ځينو روغتیايي حالت نازک دی، خو دقیق شمېر يې ونه ښود.
په پېښه کي طالبانو لاس لرل رد کړي دي او دا ئې د افغان دولت کار بللی دی.