لراوبر ویب پاڼه لراوبر يو افغان – تازه خبرونه
تېره ورځ په غزني کي طالبانو د ملي امنيت پر يوه ماموريت بريد وکړ چي په لسګونو کسانو ته ئې مرګژوبله واړول.
د ملي امنيت دا ماموريت چي ښوونځي او ملکي ودانيو ته څېرمه پروت دی په دې بريد کي هم تر ډېره ملکي وګړو ته مرګژوبله اوښتې ده.
دغزني د والي وياند محمد عارف نوري رسنيو ته په لېږلي ويډيويي پيغام کي ويلي: “د هېواد دښمنانو د غزني په شامير سيمه کي د ملي امنيت شپږمې حوزې ته څېرمه د ټونس موټر په مټ موټربم حمله وکړه جي په نتيجه کي يې ٢ امنيتي منسوبين وژل سوي او ٩ تنه ټپيان دي. ٤ ملکيان هم شهيدان سوي او ٧٨ تنه ټپيان سوي جي په سلو کي ٥٠ ټپيان د ښوونځيو زدهکوونکي، نور يې د ښځو او ماشومانو په ګډون ملکيان دي.”
خو د روغتيا وزارت وياند وحيد مايار په ټويټر کي ليکلي جي په پېښه کي ١٢ تنه وژل سوي او ١٧٩ تنه ټپيان دي جي اکثريت يې د ماشومانو په ګډون ملکيان دي.
د برید مسؤولیت وسله والو طالبانو اخیستی.
ددغې ډلې یوه ویاند ذبیح الله مجاهد پر خپل ټویټر لیکلي، بریدګرو یې ننه اته بجې غزني ښار کي د ملي امنیت پر یوه مهم مرکز موټربم ځانمرګی برید کړی.
تېره اونۍ په کابل کي هم د يو موټر بم او د ځانمرګو بريدګرو په حمله کي ۶ تنه ووژل سول او د ماشومانو په ګډون تر ۵۰ زيات کسان ووژل سول.
د کابل په برید کي هم د ښوونځي ماشومان ژوبل سوي وه. او د بريد پړه طالبانو پر غاړه اخيستې وه.
دا بريدونه پر داسي مهال کيږي چي نن په قطر کي د طالبانو سره د بين الافغاني خبرو اترو لپاره له افغانستان څخه درې پنځوس کسان تللي دي.